ایران میں کریک ڈاؤن، ملک دشمن طاقتوں سے تعاون کرنے پر 466 افراد گرفتار

ایران میں بڑی کارروائی

تہران (مانیٹرنگ ڈیسک) ایران میں سیکیورٹی اداروں نے ملک مخالف آن لائن پروپیگنڈے کے خلاف بڑی کارروائی کرتے ہوئے 466 افراد کو گرفتار کر لیا ہے۔

یہ بھی پڑھیں: نور خان بیس پر حملے کے بعد عوام سڑکوں پر نکل آئے، پاکستان زندہ باد کے نعرے

گرفتاریوں کے الزامات

رپورٹس کے مطابق گرفتار افراد پر حساس مقامات کی ویڈیوز بنانے، حکومت مخالف مواد پھیلانے اور دشمن قوتوں سے تعاون جیسے سنگین الزامات عائد کیے گئے ہیں۔

یہ بھی پڑھیں: سندھ رینجرز اور پولیس کی مشترکہ کارروائی، مال بردار ٹرکوں کو لوٹنے اور ڈرائیورز کو اغوا کرنے والے 6 ملزم گرفتار

تہران میں انٹیلی جنس کی کارروائیاں

ایرانی میڈیا کے مطابق گرفتاریاں تہران میں انٹیلی جنس اور تکنیکی نگرانی کے بعد عمل میں لائی گئیں۔ رواں ماہ کے دوران 1 ہزار سے زائد افراد کو اسی نوعیت کے الزامات میں گرفتار کیا جا چکا ہے۔

عدم استحکام پھیلانے کی کوششیں

ایرانی پولیس کا کہنا ہے کہ گرفتار افراد مبینہ طور پر دشمن نیٹ ورکس کے ساتھ مل کر ملک میں عدم استحکام پھیلانے کی کوشش کر رہے تھے۔