معمول کی زندگی کی طرف واپس جانا ضروری ہے، کشیدگی میں کمی کے لیے امریکہ کے ساتھ مل کر کام کر رہے ہیں: قطر

قطر کا پیغام

دوحہ (مانیٹرنگ ڈیسک) قطر نے کہا ہے کہ امریکہ نے اپنے اندازوں کی بنیاد پر جنگ میں جانے کا فیصلہ کیا، اب معمول کی زندگی کی طرف واپس جانا ضروری ہے۔ کشیدگی میں کمی اور اپنے ملک پر حملے رکوانے کے لیے امریکہ کے ساتھ مل کر کام کر رہے ہیں۔

یہ بھی پڑھیں: قبل از وقت پیدا ہونے والے بچوں میں دماغی صلاحیت میں کمی کا انکشاف

پریس کانفرنس میں اعلان

’’جنگ‘‘ کے مطابق قطری وزارت خارجہ کے ترجمان ڈاکٹر ماجد بن محمد الانصاری نے دوحہ میں پریس کانفرنس کے دوران کہا کہ خلیجی ممالک کو خطے کے سیکیورٹی نظام کا ازسرِ نو جائزہ لینے کی ضرورت ہے، دفاعی معاہدے مجموعی طور پر مؤثر ثابت ہوئے ہیں۔ دفاتر میں دوبارہ کام شروع کرنے کا فیصلہ سیکیورٹی جائزوں کی بنیاد پر کیا گیا، اب معمول کی زندگی کی طرف واپس جانا ضروری ہے۔ قطر کسی بھی اہم تنصیبات پر ممکنہ حملے کی صورت میں جواب دینے کا حق محفوظ رکھتا ہے، چند دنوں میں ایسا کوئی حملہ ریکارڈ نہیں کیا گیا جس پر باقاعدہ الرٹ جاری کیا جائے۔

حملوں کا الرٹ اور سیکیورٹی نظام

ترجمان قطری وزارت خارجہ نے کہا کہ حملوں کا الرٹ جاری نہ ہونے کا یہ مطلب نہیں کہ قطر کو نشانہ نہیں بنایا گیا، ایران جنگ کے باعث خلیجی خطے کا سیکیورٹی نظام متاثر ہو چکا ہے۔ خلیجی ممالک کو سیکیورٹی نظام کا ازسرِ نو جائزہ لینے کی ضرورت ہے، دفاعی معاہدے مجموعی طور پر مؤثر ثابت ہوئے ہیں۔