چین نے امریکا اور ایران کے درمیان ثالثی کی پاکستانی کوششوں کی حمایت کردی

چین کی ثالثی کی حمایت

بیجنگ (ڈیلی پاکستان آن لائن) چین نے امریکا اور ایران کے درمیان ثالثی کی پاکستانی کوششوں کی حمایت کردی ہے۔

یہ بھی پڑھیں: ابوظہبی ڈائیلاگ 2026 میں پاکستان اور بنگلہ دیش کی لیبر فورس کو درپیش مشترکہ چیلنجوں پر تبادلہ خیال کیاگیا

چین کی امن کی کوششیں

ترجمان چینی دفتر خارجہ نے پریس بریفنگ میں کہاکہ جنگ بندی اور امن مذاکرات کی کوششیں اہم اقدامات ہیں۔ چین کشیدگی میں کمی کی تمام کوششوں کی حمایت کرتا ہے۔ مشرق وسطیٰ میں امن و استحکام اور سمندری آمدورفت کے راستوں کی بحالی عالمی برادری کے مفاد میں ہے۔ چین خود بھی مشرق وسطیٰ میں قیام امن کیلئے انتھک محنت کررہا ہے۔ خطے میں تمام فریقوں کے ساتھ رابطے برقرار ہیں۔

ترکیہ کا کردار

دوسری جانب بلومبرگ کا اپنی رپورٹ میں بتانا ہے کہ ترکیہ عرب ممالک کو ایران کے خلاف جنگ میں شمولیت سے روک رہا ہے۔ انقرہ سعودی عرب، متحدہ عرب امارات، قطر اور دیگر کو ضبط اور تحمل کی تلقین کررہا ہے۔ خلیجی ممالک کو ڈر ہے کہ ایران اہم بنیادی ڈھانچے جیسے بجلی اور پانی کی سہولیات کو نقصان نہ پہنچائے۔