پیٹرولیم ڈیلرز ایسوسی ایشن نے 27 مارچ کی ہڑتال مؤخر کرنے کا اعلان کردیا

پیٹرولیم ڈیلرز ایسوسی ایشن کی ہڑتال کا فیصلہ

لاہور (ڈیلی پاکستان آن لائن) پیٹرولیم ڈیلرز ایسوسی ایشن نے 27 مارچ کی ہڑتال مؤخر کرنے کا اعلان کردیا۔

یہ بھی پڑھیں: سارہ شریف کے والد اور سوتیلی والدہ کا پاکستان میں روپوش ہونا: “بین الاقوامی تلاش کے آپریشن کے دوران میں نے انہیں چھپایا تھا”

منیفیسٹو کا مطالبہ

لاہور سے جاری بیان میں جہانزیب ملک نے کہا کہ پیٹرول اور ڈیزل پر 8 فیصد منافع کا مطالبہ کیا تھا، فی الحال پیٹرول پر 6 روپے 70 پیسے فی لیٹر منافع دیا جا رہا ہے۔

یہ بھی پڑھیں: اسسٹنٹ کمشنر لاہور سٹی بابر علی کو تبدیل کرکے اسسٹنٹ کمشنر ہیڈکوارٹر لاہور تعینات کردیا گیا

وزیر پیٹرولیم سے رابطہ

اس سے قبل آل پاکستان پیٹرول پمپ اونرز ایسوسی ایشن نے وزیر پیٹرولیم علی پرویز ملک سے فوری ملاقات کے لئے مراسلہ بھیجا تھا۔ جس میں کہا گیا تھا کہ 6 مارچ کو بھی مراسلہ بھیجا گیا تھا لیکن کوئی جواب موصول نہیں ہوا۔ پیٹرولیم سیکٹر کو آپریشنز، مالی مشکلات، قیمتوں اور اچانک پالیسی تبدیلیوں کا سامنا ہے۔

یہ بھی پڑھیں: سوہانا خان کی کلاسک گھڑی نے سب کی توجہ سمیٹ لی، قیمت اتنی کہ جان کر آپ بھی دنگ رہ جائیں گے

صنعت کے سٹیک ہولڈرز کی شمولیت

ایسوسی ایشن کا کہنا ہے کہ حکومت پالیسی سازی میں صنعت کے سٹیک ہولڈرز کو شامل کرے، ملک بھر کے 14 سے 15 ہزار پیٹرول پمپ مالکان کو درپیش مسائل فوری توجہ کے متقاضی ہیں۔

مستقبل کی ممکنہ ہڑتال

مراسلے میں کہا گیا ہے کہ مطالبات نہ مانے گئے تو ملک بھر میں پیٹرول پمپس بند کرنے پر غور کریں گے۔ پیٹرول پمپ بندش کی صورت میں پاکستان میں شدید فیول بحران کا خدشہ ہے، ممکنہ بحران کی ذمہ داری وزارتِ پیٹرولیم پر عائد ہوگی۔