طاقتور طوفان سعودی عرب اور خلیجی خطے کی جانب بڑھ رہا ہے، موسلا دھار بارش، شدید آندھی اور گرد آلود ہواؤں کا خدشہ ہے، ماہرین موسمیات

موسمی حالات کی پیشگوئی

ریاض (ڈیلی پاکستان آن لائن) ماہرین موسمیات کے مطابق طاقتور طوفان سعودی عرب اور خلیجی خطے کی جانب بڑھ رہا ہے، جس کی وجہ سے موسلا دھار بارش، شدید آندھی اور گرد آلود ہواؤں کا خدشہ ہے۔

یہ بھی پڑھیں: بنگلہ دیش کی مارکیٹ میں پاکستانی اشیا کی مانگ بہت زیادہ ہے ، بزنس مین کا انکشاف

بارشوں کی شدت

ماہرین موسمیات کے مطابق ہفتے کے اختتام تک مختلف علاقے بارشوں سے شدید متاثر ہوسکتے ہیں، آج اور جمعرات کو تیز بارش اور ہوا کی رفتار 60 کلومیٹر فی گھنٹہ ہوسکتی ہے۔

یہ بھی پڑھیں: قومی بچت سکیم کے شرح منافع میں کمی کردی گئی

ساحلی علاقوں کی صورتحال

سعودی محکمہ موسمیات نے حد نگاہ متاثر اور ساحلی علاقوں میں اونچی لہریں پیدا ہونے کی پیش گوئی کی ہے۔ ساحلی علاقوں میں لہروں کی اونچائی 2.5 میٹر سے بھی زیادہ ہوسکتی ہے۔

یہ بھی پڑھیں: کراچی میں سڑکوں کی کھدائی پر پابندی عائد

متحدہ عرب امارات میں احتیاطی تدابیر

میڈیا رپورٹس کے مطابق یواے ای میں طوفانی بارش کے باعث پانی گھروں میں داخل ہونے کا خدشہ ہے۔ رہائشیوں نے اپنے گھروں کو پانی سے بچانے کے لیے ریت کی بوریاں خرید لی ہیں، متعدد افراد پلاسٹک شیٹس لگا کر گھروں کو سیلاب سے بچانے کی کوشش کر رہے ہیں۔

یہ بھی پڑھیں: سونا 3200 روپے سستا، فی تولہ قیمت 5لاکھ 23ہزار 762روپے ہو گیا

نماز کی ادائیگی کے بارے میں ہدایات

اماراتی محکمہ اوقاف کی جانب سے شدید بارش کے دوران نماز گھر میں ادا کرنے کی اپیل کی گئی ہے، یہ اقدام خراب موسمی حالات اور عوام کی حفاظت کو مدنظر رکھتے ہوئے کیا گیا ہے تاکہ لوگوں کو غیر ضروری طور پر باہر نکلنے سے بچایا جا سکے۔

مساجد کے آئمہ کے لیے ہدایات

اماراتی محکمہ اوقاف نے مساجد کے آئمہ کرام کو بھی ہدایت دی ہے کہ وہ بارش سے متاثرہ علاقوں میں اذان کے فوراً بعد لاؤڈ اسپیکر کے ذریعے اعلان کریں کہ وہ اپنے گھروں میں نماز ادا کریں۔ اگر مساجد میں نماز ادا کی جا رہی ہو تو ظہر اور عصر کی نمازیں جمع کرکے پڑھی جائیں، اسی طرح مغرب اور عشاء کی نمازیں بھی اکٹھی ادا کی جائیں۔