کراچی کے مختلف علاقوں میں صبح سویرے بارش، موسم خوشگوار ہو گیا

کراچی میں بارش کا حال

کراچی(ڈیلی پاکستان آن لائن) کراچی کے شمالی اور مغربی علاقوں میں صبح سویرے بارش ہوئی جس کے بعد موسم خوش گوار ہو گیا۔

یہ بھی پڑھیں: ویان ملڈر نے برائن لارا کا 400 رنز کا ریکارڈ نہ توڑنے کی وجہ بتادی۔

محکمۂ موسمیات کی پیشگوئی

روزنامہ جنگ کے مطابق محکمۂ موسمیات کا کہنا ہے کہ مغربی ہواؤں کے سسٹم کے باعث شہرِ قائد میں آج چند مقامات پر گرج چمک اور تیز ہواؤں کے ساتھ بارش کا امکان ہے۔

یہ بھی پڑھیں: کپڑے وقت پر نہ دینے پر شہری دکاندار کے خلاف عدالت پہنچ گیا، نوٹس جاری

بارش کی شدت

بعض مقامات پر معتدل اور کہیں کہیں تیز بارش ہو سکتی ہے۔
گرج چمک کے بادل مضبوط ہونے پر ہواؤں کی رفتار 40 کلو میٹر فی گھنٹہ سے زائد ہو سکتی ہے۔

آئندہ کے دنوں کی صورتحال

محکمۂ موسمیات کا کہنا ہے کہ کل شہر میں بارش کا امکان نہیں ہے، تاہم رواں ہفتے کے اختتام پر ہفتے اور اتوار کو گرج چمک اور تیز ہواؤں کے ساتھ ژالہ باری و بارش کا امکان ہے۔