جیٹ فیول کی قیمت میں بڑا اضافہ، ایئر ٹکٹ 100 فیصد مہنگے ہوگئے

فضائی سفر کے اخراجات میں اضافہ

اسلام آباد (ڈیلی پاکستان آن لائن) طیاروں میں استعمال ہونے والے ایندھن کی قیمت میں بڑا اضافہ ہوگیا۔

جیٹ فیول کی قیمتوں میں اضافہ

نجی ٹی وی سما نیوز کے مطابق، جیٹ فیول کی قیمت 176 روپے سے بڑھ کر 417 روپے فی لیٹر تک جا پہنچی ہے۔ جیٹ فیول کی قیمتوں میں اضافے سے فضائی سفر مزید مہنگا ہونے کا خدشہ ہے۔

کرایوں میں تبدیلی

بنیادی کرایہ برقرار رہنے کے باوجود، فیول ایڈجسٹمنٹس کی وجہ سے ایئر ٹکٹس مہنگی ہوئی ہیں۔ متعدد ایئرلائنز کے کرایوں میں 100 فیصد تک اضافہ ہوگیا ہے۔

پی آئی اے کی رپورٹ

ترجمان پی آئی اے کے مطابق، تمام ایئرلائنز نے فضائی کرایوں میں فیول ایڈجسٹمنٹ کر دی ہے۔ پی آئی اے کے کرایوں میں 10 سے 100 ڈالر تک کا اضافہ ہوا ہے، اور مقامی پروازوں پر 10 ڈالر فیول سرچارج عائد کر دیا گیا ہے۔

بین الاقوامی پروازوں پر اضافی چارجز

کینیڈا روٹس پر 100 ڈالر تک فیول سرچارج لاگو کیا جا رہا ہے، برطانیہ جانے والی پروازوں پر 75 ڈالر اضافی وصول ہورہا ہے، جب کہ سعودی عرب اور گلف روٹس پر 50 ڈالر تک سرچارج ہے۔