اقتصادی رابطہ کمیٹی نے وزیراعظم کے کفایت شعاری فنڈ کیلئے 100 ارب روپے کی منظوری دیدی

اقتصادی رابطہ کمیٹی کا اجلاس

اسلام آباد (ڈیلی پاکستان آن لائن) اقتصادی رابطہ کمیٹی نے وزیراعظم شہبازشریف کے کفایت شعاری فنڈ کیلئے 100 ارب روپے کی منظوری دیدی۔

یہ بھی پڑھیں: حماد اظہر کا الیکشن نہ لڑنے کا فیصلہ، کزن کو نامزد کردیا

کفایت شعاری فنڈ کی منظوری

وفاقی وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا جس دوران کفایت شعاری فنڈ کیلئے 100 ارب روپے کی منظوری دی گئی۔ یہ اقدام عوام کو مہنگائی سے بچانے اور پیٹرولیم مصنوعات کی قیمتوں کے اثرات کم کرنے کے لیے کیا گیا۔

یہ بھی پڑھیں: عمران خان کے ذاتی مفاد اور انا کے سامنے ملک سرینڈر نہیں کرے گا، عظمیٰ خان کی بھی بھائی کے ساتھ ملاقات بند کر دی گئی ہے، عطاء تارڑ

رقم کی منتقلی کا فیصلہ

اجلاس میں کفایت شعاری فنڈ کیلئے رقم ترقیاتی فنڈز سے منتقل کرنے کا فیصلہ کیا گیا۔ وزیر خزانہ نے اہم منصوبوں کو متاثر نہ کرنے کی ہدایت کر دی۔

یہ بھی پڑھیں: ویڈیو: شہری کے ساتھ ڈکیتی، پولیس کو بتایا تو تھانیدار نے بچوں کے دودھ کے پیسے (700 روپے) بھی جیب سے نکال لیے، غریب شہری کی ماں (CM) سے فریاد

گندم خریداری پالیسی پر غور

ای سی سی اجلاس میں گندم خریداری پالیسی 26-2025 پر بھی غور کیا گیا، اقتصادی رابطہ کمیٹی نے نجی شعبے کے ذریعے گندم خریدنے کی منظوری بھی دے دی۔

حکومت کا گندم خریدنے کا فیصلہ

وزارت خزانہ نے کہا کہ حکومت نے دس لاکھ ٹن تک گندم خریدنے کا فیصلہ کیا ہے۔ ای سی سی نے کسانوں، مارکیٹ اور معیشت میں توازن برقرار رکھنے پر زور دیا اور ملک میں گندم ذخائر کے حوالے سے محتاط حکمت عملی اپنانے کی ہدایت کی گئی۔ اجلاس میں بدلتی علاقائی صورتحال کے مطابق فیصلے کرنے پر غور کیا گیا۔