توانائی بحران! پیٹرول سبسڈی کیلئے ایپ تیار

توانائی بحران کے دوران پیٹرول سبسڈی کی تیاری

اسلام آباد(ڈیلی پاکستان آن لائن) وفاقی حکومت نے توانائی بحران کے دوران کم آمدن والے افراد کے لیے پیٹرول سبسڈی کی تیاری شروع کر دی ہے۔

یہ بھی پڑھیں: ملکی برآمدات میں 13.45 فیصد اضافہ ریکارڈ

ایپ کی تیاری اور ٹیسٹنگ مرحلے

نجی ٹی وی چینل جیو نیوز کے مطابق وفاقی حکومت کی ہدایت پر وزارت انفارمیشن ٹیکنالوجی (آئی ٹی) نے پیٹرول سبسڈی دینے کے لیے ایک ایپ تیار کر لی ہے، جو فی الحال ٹیسٹنگ کے مراحل سے گزر رہی ہے۔

یہ بھی پڑھیں: 90 دن کی بات وزیر اعلیٰ خیبر پختونخوا علی امین گنڈا پور کی اپنی بات ہے اور پارٹی کا فیصلہ نہیں ، سلمان اکرم راجا

سبسڈی کا دائرہ

ذرائع کے مطابق ٹو تھری ویلرز گاڑیوں کو سبسڈی دی جائے گی، جبکہ دیگر صارفین تک عالمی مارکیٹ میں قیمتوں میں اضافہ منتقل کیا جائے گا۔

یہ بھی پڑھیں: عدالتوں میں مقدمات سیاسی بنیادوں پر یا انتظامیہ کے کہنے پر آگے پیچھے کیے جائیں گے تو اس سے عدالتوں کی ساکھ متاثر ہوگی،اسد قیصر

800 سی سی گاڑیوں پر فیصلہ مستحکم نہیں

ذرائع کا کہنا ہے کہ 800 سی سی گاڑیوں تک سبسڈی کا فیصلہ ابھی تک نہیں ہو سکا۔ ٹو تھری ویلرز کے لیے پیٹرول کا کوٹہ مختص کیا جائے گا، موٹر سائیکلز کے لیے ماہانہ 20 لیٹر تک پیٹرول کا کوٹہ مقرر کرنے کی تجویز دی گئی ہے۔

پیٹرول پمپس پر سبسڈی کے اقدامات

ذرائع کے مطابق ملک کے 12 ہزار پیٹرول پمپس پر سبسڈی کے لیے نوزلز مختص کی جائیں گی۔ ہر پیٹرول پمپ پر 2 موبائل فونز فراہم کیے جائیں گے، تاکہ پیٹرول کی تقسیم موبائل ایپ کے ذریعے کی جا سکے۔