پنجاب میں 28 مارچ کو رات ساڑھے 8 سے ساڑھے 9 بجے تک غیر ضروری لائٹس بند کی جائیں گی، وزیراعلیٰ پنجاب مریم نواز شریف نے صوبے میں “ارتھ آور” منانے کا اعلان کردیا۔

مریم نواز شریف کا "ارتھ آور" کا اعلان

لاہور (ڈیلی پاکستان آن لائن) وزیراعلیٰ پنجاب مریم نواز شریف نے صوبے میں 28 مارچ کو "ارتھ آور" منانے کا اعلان کردیا۔

یہ بھی پڑھیں: کرپٹو کرنسی کے شوقین افراد جو نیا ملک قائم کرنا چاہتے ہیں

عوام کی شمولیت کی اپیل

مریم نواز نے صوبہ بھر کے عوام سے اپیل کی ہے کہ وہ اس عالمی مہم میں بڑھ چڑھ کر حصہ لیں۔ اعلامیے کے مطابق 28 مارچ کو پنجاب بھر میں رات ساڑھے آٹھ سے ساڑھے نو بجے تک روشنیاں بند رکھی جائیں گی تاکہ توانائی کے تحفظ اور ماحولیاتی شعور کو فروغ دیا جا سکے۔

یہ بھی پڑھیں: افغانستان کے ساتھ عوامی سطح پر قطع تعلق کر لینا اور اسے دشمن قرار دینا پاکستان کے مفاد میں نہیں، تجزیہ کار عثمان شامی

حکومتی اقدامات

حکومت پنجاب نے ارتھ آور مہم میں اشتراک کار کے لیے سیکرٹری ماحولیات کو فوکل پرسن مقرر کر دیا ہے، جبکہ سینئر صوبائی وزیر مریم اورنگزیب صوبہ بھر میں اس مہم کی مانیٹرنگ کریں گی۔

یہ بھی پڑھیں: اوورسیز کے لیے الگ عدالتوں کا قیام اور گرین چینل کی بحالی خوش آئند ہے:صدر پاکستانی امریکن چیمبر آف کامرس نوید انور

ماحول کی حفاظت کا عزم

وزیراعلیٰ مریم نواز شریف کا کہنا ہے کہ نئی نسل کو محفوظ اور صاف ماحول فراہم کرنے کے لیے اجتماعی کاوشیں ناگزیر ہیں۔ انہوں نے کہا کہ ارتھ آور مہم کا مقصد توانائی کے محفوظ استعمال کے حوالے سے عوامی شعور بیدار کرنا ہے۔

یہ بھی پڑھیں: یونان کے ساحل کے قریب کشتی حادثہ، 22 تارکین وطن لقمۂ اجل بن گئے

ورلڈ وائلڈ لائف فنڈ کی تعریف

انہوں نے ورلڈ وائلڈ لائف فنڈ کی ماحولیاتی تحفظ کے لیے خدمات کو سراہتے ہوئے کہا کہ ماحول کو ترجیحات میں شامل کرنا وقت کی اہم ضرورت ہے۔

نوجوانوں کا کردار

وزیراعلیٰ نے عوام، خصوصاً نوجوانوں پر زور دیا کہ وہ توانائی کی بچت کی اس عالمی مہم میں بھرپور حصہ لیں اور دنیا بھر میں جاری اس مہم کا فعال کردار بنیں۔