ایران اور حزب اللہ کے ڈرونز اسرائیلی دفاع کے لیے درد سر بن گئے، کس ملک سے مدد مانگ لی۔۔؟ جانیے

ایران اور حزب اللّٰہ کے ڈرونز کا اسرائیلی دفاع پر اثر

تل ابیب (مانیٹرنگ ڈیسک) ایران اور حزب اللّٰہ کے ڈرونز اسرائیلی دفاع کیلئے درد سر بن گئے۔

یہ بھی پڑھیں: نقد پیٹرول خریدنے پر کتنے روپے اضافی دینے ہوں گے ؟ حکومت کا حیران کن فیصلہ

اسرائیل کی مدد کی تلاش

تفصیلات کے مطابق ایران اور حزب اللّٰہ کے ڈرونز اسرائیلی دفاع کیلئے درد سر بن گئے، اسرائیل نے یوکرین سے مدد مانگ لی۔ اسرائیلی میڈیا کا کہنا ہے کہ ایرانی چھوٹے ڈرونز روکنے کیلئے لاکھوں ڈالرز خرچ کرنے پڑ رہے ہیں۔

یہ بھی پڑھیں: افغان ڈرائیورز کے بغیر ویزہ پاکستان میں داخلے پر پابندی عائد کردی گئی۔

ڈرونز کی تعداد اور خطرات

اسرائیل کے تحقیقی ادارے انسٹیٹیوٹ آف نیشنل سیکیورٹی سٹڈیز کا کہنا ہے کہ جنگ کے آغاز سے اب تک ایران تقریباً 550 ڈرونز اسرائیل کی جانب داغ چکا ہے۔ ماہرین کے مطابق ڈرونز اگرچہ میزائلوں کے مقابلے میں کم تباہ کن ہوتے ہیں، لیکن انہیں پکڑنا اور روکنا زیادہ مشکل ہوتا ہے، کیونکہ یہ کم بلندی پر اور مختلف انداز میں پرواز کرتے ہیں۔

یہ بھی پڑھیں: دہلی دھماکہ، تمام ذمہ داروں کو قانون کے کٹہرے میں لایا جائے گا: نریندرا مودی

حزب اللّٰہ کے ڈرون حملے

’’جنگ‘‘ کے مطابق اسرائیلی میڈیا کا کہنا ہے کہ حزب اللّٰہ کی جانب سے بھی اسرائیل پر مسلسل ڈرون حملے کیے جا رہے ہیں۔ لبنان کی مزاحمتی تنظیم کی جانب سے اب تک 100 سے زائد ڈرون حملے ہوئے ہیں، جن میں کافی نقصان اٹھانا پڑا ہے، چونکہ یہ حملے قریبی فاصلے سے ہوتے ہیں، اس لیے انہیں روکنے کے لیے وقت کم ملتا ہے اور خطرہ زیادہ ہوتا ہے۔

یہ بھی پڑھیں: سپین کی ایمبیسی میں قاضی فائز عیسیٰ کھانے کے دوران ڈاکٹر مصدق ملک سے کیوں الجھے؟ فواد چوہدری نے بڑا دعویٰ کر دیا

یوکرین کے ساتھ تعاون

صہیونی وزیراعظم نیتن یاہو نے یوکرین کے صدر زیلنکسی سے رابطہ کرلیا، دونوں رہنماؤں نے ایرانی ڈرون حملوں کے خلاف تعاون پر تبادلۂ خیال کیا۔

یہ بھی پڑھیں: سری لنکن ایئرلائن Fits Air نے پاکستان میں اپنی فضائی سروسز کا باقاعدہ آغاز کر دیا

مؤثر ہتھیاروں کی فراہمی

اسرائیلی میڈیا کا کہنا ہے کہ یوکرین نے اسرائیل کو ڈرونز کیخلاف مؤثر ہتھیار فراہم کرنے کا وعدہ کیا۔

ڈرونز کا خطرہ

ایران کے سستے اور خودکش ’’شاہد‘‘ ڈرونز کو پکڑنا مشکل ہورہا ہے، یوکرین نے مشرق وسطیٰ کے 5 ممالک میں ڈرونز کیخلاف فوجی یونٹس تعینات کیے۔