ہمارا مشن واضح ہے ایران کبھی ایٹمی ہتھیار حاصل نہیں کر سکے گا، امریکی وزیر خارجہ مارکو روبیو

ایران پر امریکی موقف

واشنگٹن (ڈیلی پاکستان آن لائن) امریکی وزیر خارجہ مارکو روبیو نے کہا کہ بغیر زمینی فوج کے بھی ایران مشن کامیاب ہو سکتا ہے۔ صدر ٹرمپ کو ہر ممکن صورتحال سے نمٹنے کیلئے مکمل آپشنز فراہم کیے جا رہے ہیں۔

یہ بھی پڑھیں: قطب مینار سے اجمیر شریف کی درگاہ تک: بھارت میں 10 سے زائد مقامات جہاں ‘مندر مسجد’ کا تنازع جاری ہے

ایران کے ساتھ مذاکرات

مارکو روبیو نے کہا کہ ایران کے ساتھ مذاکرات کے اشارے ملے ہیں مگر ابھی واضح پیش رفت نہیں ہوئی۔ کسی بھی وقت مذاکرات شروع ہو سکتے ہیں۔ ان کا کہنا تھا کہ ہمارا مشن واضح ہے کہ ایران کبھی ایٹمی ہتھیار حاصل نہیں کر سکے گا۔ جی سیون (G7) کے وزرائے خارجہ کے ساتھ اپنی ملاقات میں، میں نے اس بات کو دہرایا ہے کہ ہمیں شراکت داروں کے زیادہ سے زیادہ تعاون کے ساتھ اس لمحے کا مقابلہ کرنا چاہیے۔

یہ بھی پڑھیں: سندھ طاس معاہدے میں ایک فریق کو اختیار ہی نہیں کہ کوئی تبدیلی کرے: احمر بلال صوفی

عالمی برادری کا کردار

امریکی وزیر خارجہ نے کہا کہ عالمی برادری کو ایران کے ممکنہ اقدام کے خلاف مشترکہ حکمت عملی اپنانے کی ضرورت ہے۔ امریکا اس عالمی منصوبے کا حصہ بننے کے لئے تیار ہے۔

پابندیوں کی مدت

مارکو روبیو کا کہنا تھا کہ ایران پر پابندیاں عارضی ہیں جو 5 یا 10 اپریل تک برقرار رہیں گی۔ جی 7 اجلاس میں ہماری ایک اچھی میٹنگ تھی، ہم توقع کرتے ہیں کہ ایرانی آپریشن مناسب وقت پر ختم ہو جائے گا۔ امریکی وزیر خارجہ نے کہا کہ ہم ہفتوں کی بات کر رہے ہیں، مہینوں کی نہیں۔