ایندھن کی فراہمی آئندہ مہینوں میں مزید مشکل ہو جائے گی، آسٹریلوی وزیراعظم

آسٹریلوی وزیراعظم کا ایندھن کی فراہمی پر بیان

کینبرا (ڈیلی پاکستان آن لائن) آسٹریلیا کے وزیراعظم انتھونی البانیز نے کہا ہے کہ قلیل مدت میں ایندھن کی فراہمی تسلی بخش ہے لیکن آئندہ مہینوں میں اس کی فراہمی مزید مشکل ہو جائے گی۔

یہ بھی پڑھیں: بالیوڈ اداکار نصیرالدین شاہ کو بغیر وضاحت پیش کیے ایونٹ سے نکال دیا گیا

حکومتی اقدامات

’’شنہوا‘‘ کے مطابق، انہوں نے پارلیمنٹ ہاؤس میں ملک کو درپیش ایندھن کے بڑھتے بحران کے بارے میں پریس کانفرنس سے خطاب کرتے ہوئے کہا کہ حکومت ممکنہ بحران سے نمٹنے کے لیے مسلسل کوشاں اور ہر ممکن تیاری کررہی ہے۔

یہ بھی پڑھیں: مزدوروں کے حقوق کے تحفظ اور نوجوانوں کو ہنر مند بنانے کیلئے پرعزم ہیں: وزیراعظم

بین الاقوامی روابط

انہوں نے آسٹریلیا کو تیل فراہم کرنے والے اہم ملک ملائیشیا اور آسیان خطے کے ساتھ اپنے مثبت روابط کا بھی ذکر کیا۔

یہ بھی پڑھیں: وزیر اعظم نے برطانیہ کو پہلگام واقعے کی تحقیقات میں شمولیت کی دعوت دے دی

اپوزیشن کا ردعمل

دوسری جانب اپوزیشن رہنما اینگس ٹیلر نے حکومت سے مطالبہ کیا ہے کہ ایندھن پر عائد ٹیکس کو عارضی طور پر 3 ماہ کے لیے نصف کر دیا جائے۔

ایندھن کی کمی کی صورتحال

واضح رہے کہ ایک روز قبل حکومت نے تسلیم کیا تھا کہ ملک بھر کے تقریباً 470 پیٹرول پمپس پر کم از کم ایک قسم کا ایندھن ختم ہو چکا ہے۔