یوکرین کا سعودی عرب کے ساتھ دفاعی معاہدے کا اعلان
یوکرین اور سعودی عرب کے دفاعی معاہدے پر دستخط
کیف (ڈیلی پاکستان آن لائن )یوکرین کے صدر ویلادیمیر زیلنسکی نے کہا ہے کہ سعودی عرب کے ساتھ دفاعی معاہدے پر دستخط کر لیے ہیں جو دونوں ممالک کے لیے فائدہ ہوگا۔
یہ بھی پڑھیں: بھارتی حملے، پاکستان ایئرفورس نے دشمن کو ایک چانس دیا تھا، آئندہ کچھ گھنٹوں یا دنوں میں ردعمل دیکھیں گے اور موثر جواب دیا جائے گا:لیفٹیننٹ جنرل (ر)عامر ریاض
معاہدے کی تفصیلات
سماجی رابطے کی ویب سائٹ ایکس پر جاری بیان میں یوکرینی صدر زیلنسکی نے بتایا کہ ہم یوکرین کی وزارت دفاع اور سعودی عرب کی وزارت دفاع کے درمیان دفاعی تعاون کے اہم معاہدے تک پہنچ گئے ہیں۔ سعودی ولی عہد محمد بن سلمان کے ساتھ ملاقات سے قبل دستاویز پر دستخط کردیے گئے۔
یہ بھی پڑھیں: بھارت کا پاکستان کی 3 ایئر بیسز پر حملہ، ڈی جی آئی ایس پی آر
مستقبل کی بنیاد
انہوں نے بتایا کہ یہ دستاویز مستقبل میں معاہدوں، ٹیکنالوجیکل تعاون اور سرمایہ کاری کی بنیاد فراہم کرتی ہے، اور اس سے یوکرین کا دفاعی حوالے سے دنیا میں کردار کا تاثر بھی مضبوط ہو رہا ہے۔
یہ بھی پڑھیں: Punjab Government Orders Arrest of PTI’s 1590 Workers
انسانی جانوں کے تحفظ میں تعاون
یوکرین کے صدر نے کہا کہ ہم سعودی عرب کے ساتھ اپنی مہارت اور نظام فراہم کرنے اور انسانی جانوں کے تحفظ کو مضبوط بنانے کے لیے مل کر کام کرنے کو تیار ہیں۔ یوکرین گزشتہ 5 برس سے بلیسٹک میزائلز اور ڈرونز کے دہشت گردی کے حملوں کی مزاحمت کر رہا ہے، جیسے اس وقت ایران کی حکومت مشرق وسطیٰ اور خلیج میں حملے کر رہی ہے۔
یہ بھی پڑھیں: سونے کی قیمت میں 4ہزار روپے فی تولہ اضافہ
سعودی عرب کی صلاحیتیں
ان کا کہنا تھا کہ سعودی عرب کے پاس بھی ایسی صلاحیت ہے جو یوکرین کے مفاد کا باعث ہے اور یہ تعاون دونوں کے لیے فائدہ مند ہوسکتا ہے۔ زیلنسکی نے سعودی ولی عہد محمد بن سلمان سے ملاقات کے حوالے سے شکریہ ادا کیا۔
یہ بھی پڑھیں: بھارت میں چلتی کار میں خاتون منیجر کے ساتھ اجتماعی زیادتی، سی ای او سمیت 3 گرفتار
علاقائی صورت حال پر تبادلہ خیال
ہم نے مشرق وسطیٰ اور خلیج میں مجموعی صورت حال، روس کی ایرانی حکومت کو مدد، تیل کی مارکیٹ میں پیش رفت اور توانائی کے شعبے میں ممکنہ تعاون پر بھی تبادلہ خیال کیا ہے۔
یہ بھی پڑھیں: وزیر اعلیٰ پنجاب مریم نوازنے مری گلاس ٹرین منصوبے کی تفصیلات شیئر کردیں
ایران کے حملوں کے خلاف دفاعی اقدامات
الجزیرہ کی رپورٹ کے مطابق سعودی عرب کی وزارت دفاع نے بتایا کہ امریکا اور اسرائیل کے ایران پر 28 فروری کو کیے گئے حملوں کے بعد سے اب تک ایران سے داغے گئے سیکڑوں ڈرونز اور درجنوں میزائل ناکارہ بنا دیے ہیں۔
یوکرین کی دفاعی حیثیت
یوکرین نے ایرانی حملوں کے خلاف دفاع میں تعاون کے لیے 201 اینٹی ڈرون ماہرین کو مشرق وسطیٰ میں تعینات کیا ہے۔ یوکرین ایک اہم سستا مگر مؤثر انٹرسیپٹر ڈرون تیار کرنے والا ملک بن گیا ہے، اور روسی ڈرون حملوں میں 2024 کے آخر سے شدت آگئی ہے۔
