بھارتی وزیر اعظم نریندر مودی کا سعودی ولی عہد محمد بن سلمان سے رابطہ، علاقائی توانائی کی تنصیبات پر حملوں کی مذمت

مودی اور محمد بن سلمان کے درمیان ٹیلیفونک رابطہ

نئی دہلی(ڈیلی پاکستان آن لائن) بھارتی وزیر اعظم نریندر مودی نے سعودی عرب کے ولی عہد اور وزیر اعظم شہزادہ محمد بن سلمان سے ٹیلیفونک رابطہ کیا ہے، جس میں مغربی ایشیا (مشرقِ وسطیٰ) میں جاری حالیہ تنازع اور اس کے خطے پر اثرات کے حوالے سے تفصیلی تبادلہ خیال کیا گیا۔

یہ بھی پڑھیں: 15 سال کی تھی جب ٹرمپ نے زیادتی کی کوشش کی، نئی ایپسٹین فائلز میں امریکی صدر پر خاتون سے زیادتی کا الزام

توانائی کے بنیادی ڈھانچے پر حملوں کی مذمت

بھارتی وزیر اعظم مودی نے خطے میں توانائی کے بنیادی ڈھانچے پر ہونے والے حالیہ حملوں پر بھارت کی تشویش کا اظہار کرتے ہوئے ان کی شدید مذمت کی۔ یاد رہے کہ حالیہ جنگ کے دوران خلیجی ممالک کی بندرگاہوں اور تیل کی تنصیبات کو نشانہ بنایا گیا ہے۔

یہ بھی پڑھیں: آسٹریلیا کے خلاف آخری ٹی 20 میں بیٹنگ کا فیصلہ کیوں کیا؟ کپتان سلمان علی آغا کا اہم بیان

سمندری حدود میں جہاز رانی کی آزادی

دونوں رہنماؤں نے اس بات پر اتفاق کیا کہ عالمی تجارت کے لیے سمندری حدود میں جہاز رانی کی آزادی کو برقرار رکھنا انتہائی ضروری ہے۔ انہوں نے شپنگ لائنز کو محفوظ اور کھلا رکھنے کے لیے مشترکہ عزم کا اظہار کیا۔

بھارتی شہریوں کی فلاح و بہبود

بھارتی وزیر اعظم نریندر مودی نے سعودی عرب میں مقیم لاکھوں بھارتی شہریوں کی فلاح و بہبود اور ان کے تحفظ کے لیے سعودی ولی عہد کے مسلسل تعاون پر ان کا شکریہ ادا کیا۔