آر ایل کے گروپ آئی ٹی ایف ماسٹرز ٹینس: رشید ملک 60 پلس کیٹیگری کے چیمپئن بن گئے

رشید احمد ملک کا تاریخی کامیابی

لاہور(ڈیلی پاکستان آن لائن) پاکستان کے مایہ ناز آئی ٹی ایف سینئر ٹینس پلیئر رشید احمد ملک (تمغہ امتیاز) نے آر ایل کے گروپ آئی ٹی ایف ماسٹرز ٹینس چیمپئن شپ 2026 میں مردوں کے 60 پلس سنگلز کا ٹائٹل اپنے نام کر لیا۔ یہ ٹورنامنٹ پنجاب ٹینس اکیڈمی، باغ جناح لاہور میں کامیابی کے ساتھ اختتام پذیر ہوا۔

یہ بھی پڑھیں: راولپنڈی میں لڑکی کو شادی کا جھانسہ دے کر سہیلی کے بھائی نے متعدد بار زیادتی کا نشانہ بنا ڈالا

فائنل میچ کی تفصیلات

مردوں کے 60 پلس سنگلز فائنل میں رشید ملک نے اسرار گل کو یکطرفہ مقابلے کے بعد اسٹریٹ سیٹس میں 1-6 اور 3-6 سے شکست دی۔ مردوں کے 45 پلس ڈبلز فائنل میں سخت مقابلہ دیکھنے کو ملا جہاں سید ہادی اور شہریار سلامت نے حسن سعید اور قادر نواز کو تین سیٹس کے مقابلے کے بعد 2-6، 6-3 اور 30 سے ہرا دیا۔ اسی طرح 50 پلس ڈبلز کے فائنل میں اظہر علی خان اور حسن سعید نے شاندار واپسی کرتے ہوئے محمد عارف اور تنویر ہڑل کو 6-4، 5-7 اور 60 سے شکست دے کر ٹائٹل جیتا۔

یہ بھی پڑھیں: بھارتی کپتان نے ٹاس کے بعد پاکستانی کپتان سے ہاتھ نہیں ملایا۔

تقریبِ تقسیمِ انعامات

آر ایل کے گروپ کے چیئرمین راشد لطیف خان نے تقریبِ تقسیمِ انعامات میں بطور مہمانِ خصوصی شرکت کی۔ ان کے ہمراہ پاکستان ٹینس فیڈریشن کے صدر اعصام الحق قریشی بطور مہمانِ اعزاز موجود تھے۔ دونوں شخصیات نے مختلف عمر کی کیٹیگریز میں جیتنے والے کھلاڑیوں میں انعامات اور شیلڈز تقسیم کیں۔

شرکت کرنے والے اہم افراد

اس تقریب میں پنجاب لان ٹینس ایسوسی ایشن کے سینئر ایگزیکٹو وائس پریزیڈنٹ رشید ملک، حسن سعید اور دیگر اہم شخصیات بھی موجود تھیں۔ کھلاڑیوں، ان کے اہل خانہ اور ٹینس کے مداحوں کی بڑی تعداد نے شرکت کر کے تقریب کو چار چاند لگا دیے۔