ستاروں کی روشنی میں آپ کا آئندہ ہفتہ کیسا گزرے گا؟

برج حمل

سیارہ مریخ، 21 مارچ سے 20 اپریل

آپ کو آج سے ہی اپنی صحت کا خاص خیال رکھنے کی ضرورت ہے، اس کا صدقہ بھی دیں۔ ضروری ٹیسٹ بھی کروائیں تاکہ تسلی ہو سکے پرہیز اور چہل قدمی ورزش وغیرہ پر توجہ دیں۔ اس کے علاوہ اپنے معاملات کو بھی خفیہ رکھنے کی کوشش کریں ،تاکہ حسد کرنے والوں کی نظروں کا شکار نہ ہوں۔ جو لوگ اوپن ہو کر رہیں گے، ان کے لئے مشکلات شاید کبھی ختم نہ ہوں یہ یاد رہے۔

یہ بھی پڑھیں: ایف بی آر نے 28 لاکھ گھرانوں کو ٹیکس نیٹ میں شامل کرنے کا اعلان

برج ثور

سیارہ زہرہ، 21 اپریل سے 20 مئی

انشاءاللہ آپ کا حق ضرور ملے گا اور جس معاملے میں برسوں سے رکاوٹیں چل رہی تھیں وہ اب تیزی سے ختم ہونا شروع ہو جائیں گی۔ جو لوگ مالی طور پر پریشان تھے اور ان کا سلسلہ کسی جگہ سے بھی نہیں بن رہا تھا؟ وہ اب بحکم اللہ جلد خوشخبری سن سکیں گے۔ بیرونِ ملک جانے کے خواہشمند افراد کو بھی اب آسانیاں ملیں گی۔ وہ اپنی تیاری شروع کر دیں۔

یہ بھی پڑھیں: ٹی ایچ کیو ہسپتال کہوٹہ میں خواتین کی نازیبا ویڈیوز بنانے والے دو افراد گرفتار

برج جوزہ

سیارہ عطارد، 21 مئی سے 20 جون

آپ کو ان دنوں دوہری شخصیت والے لوگوں کا سامنا رہے گا جو سامنے تو کچھ ہوں گے اور پیچھے سے کچھ۔ بہرحال آپ نے اپنا خیال رکھنا ہے۔ ان کی باتوں میں آکر اپنا نقصان نہیں کرنا، جو جتنا بھی لالچ دے آپ کو سوچ سمجھ کر چلنا ہوگا۔ اپنوں کے درمیان بھی آستین کے سانپ ہو سکتے ہیں، خانگی امور میں تو اپنے آپ کو بالکل ایسا کرلیں جیسے فقیر۔ یہ تو وقت کی ضرورت ہے۔

یہ بھی پڑھیں: پنجاب میں حالیہ سیلاب سے کتنا زرعی رقبہ متاثر ہوا اور کتنا معاشی نقصان ہوا ۔۔؟ رپورٹ میں تہلکہ خیز انکشاف

برج سرطان

سیارہ چاند، 21 جون سے 20 جولائی

ایک اہم ضرورت پوری ہوگی، جس مقصد کے لئے بھی رقم درکار ہوگی، انشاءاللہ اس کا بندوبست ہو جائے گا۔ جو لوگ بھی الجھن، مشکل، انکوائری مقدمے وغیرہ میں مبتلا ہیں، وہ اس سے بحکم اللہ تعالیٰ نکلنے میں کامیاب ہوں گے۔ اس کے غیبی انداز سے سلسلے بن سکیں گے۔ جن لوگوں نے کسی سے اپنی رقم واپس لینی ہے، ان کا سلسلہ بن سکے گا، جو قرض دینے یا لینے کے معاملے میں ہیں، ان کا مسئلہ حل ہو سکتا ہے۔

یہ بھی پڑھیں: دھرنے کو بڑھا دیا ہے، جب تک مسئلے کا حل نہیں نکلتا، تب تک ہم بیٹھے ہیں، علی امین گنڈا پور

برج اسد

سیارہ شمس، 21 جولائی سے 21 اگست

غصہ کم کریں اور جذباتی پن میں کوئی بڑی غلطی نہ کریں ورنہ ساری عمر پچھتاوا رہے گا کیونکہ اب حالات ایسے بنے ہوئے ہیں کہ آپ کو ناچاہ کر بھی غصہ آئے گا، کچھ باتیں سامنے آئیں گی اور کچھ لوگوں کے اصلی روپ بھی۔ بہرحال حکمت سے کام لیں، اولاد کے حوالے سے بھی فیصلے کرتے ہوئے چالاکی سے کام لینا ہے کہ سانپ بھی مر جائے اور لاٹھی بھی نہ ٹوٹے، آپ خود سمجھدار ہیں۔

یہ بھی پڑھیں: پنجاب حکومت کی بیوہ خواتین کے لیے سپورٹ کارڈ اسکیم منظور

برج سنبلہ

سیارہ عطارد، 22 اگست سے 22 ستمبر

آپ اپنے مزاج کو ٹھنڈا رکھیں اور دل کے معاملات کو خاص طور پر قابو میں رکھنے کی کوشش کریں۔ ان دنوں اگر کوئی دل لگی یا جذباتی پن کی کوشش کی تو وہ گلے کی بڑی بلا بن جائے گی۔ عشق و محبت جیسے معاملات سے باہر نکلیں، اور بھی بہت کچھ ہے زندگی میں کرنے کے لئے۔ جو لوگ ان دنوں صرف اپنے روزگار پر توجہ دیں گے، وہ آگے چل کر بڑی کامیابیاں حاصل کر لیں گے۔

یہ بھی پڑھیں: ترکیہ میں منشیات کے خلاف کریک ڈاؤن، معروف اداکارہ ہانڈے ارچل سمیت شوبز، اسپورٹس اور کاروباری حلقوں سے تعلق رکھنے والی متعدد اہم شخصیات کو حراست میں لے لیا گیا

برج میزان

سیارہ زہرہ، 23 ستمبر سے 22 اکتوبر

آپ کو اللہ نے بڑی مشکل سے نکالا ہے۔ شکر ادا کریں، جب بھی راستے سے بھٹک جاتے ہیں، اللہ پاک کمال انداز سے آپ کی غیبی مدد فرما دیتے ہیں اور آپ کا مسئلہ حل ہو جاتا ہے۔ ان دنوں بھی ایسا سلسلہ چلتا رہے گا۔ جو لوگ کسی بھی نئے کام کی ابتدا چاہتے ہیں، وہ اللہ کا نام لے کر قدم اٹھا سکتے ہیں۔ جن لوگوں نے کام کو بڑھانا ہے وہ مزید محنت اور سرمایہ کاری کر سکتے ہیں۔

یہ بھی پڑھیں: ویڈیو: بیوی اور بیٹی کھودینے والے شخص پر پولیس کا تشدد، کیا اعلیٰ پولیس افسران کے خلاف کارروائی کی جائے گی؟ میڈم CM کا اصل امتحان

برج عقرب

سیارہ مریخ، 23 اکتوبر سے 22 نومبر

بندش والی کیفیت چل رہی ہے، انجانی سی، اس بندش نے بہت کچھ روک رکھا ہے۔ سب پہلے صدقہ دیں، اپنی نظر اتاریں، پھر نماز کی پابندی کریں اور ساتھ یا کریم یا سلام یا حی یا قیوم کا ورد جاری رہے تو کمال انداز سے انشاءاللہ اس سے نکلنے میں کامیاب ہو جائیں گے۔ جو خواہشمند ہیں ان کا من پسند جگہ پر رشتہ وغیرہ طے ہو سکتا ہے۔

یہ بھی پڑھیں: راہول گاندھی بھارتی فوج میں بھرتی سکیم ’’اگنی ویر‘‘ پر کھل کر بول پڑے، مودی کو کھری کھری سنا دیں

برج قوس

سیارہ مشتری، 23 نومبر سے 20 دسمبر

آپ ایک اچھے وقت کو بڑے خوب انداز سے ضائع کر رہے ہیں۔ زندگی میں موبائل کے علاوہ بھی بہت کچھ ہے۔ سارا دن ویڈیو دیکھنا اچھی بری دونوں، جو آپ کے مزاج کو خراب کر رہا ہے، توبہ کرکے اس سے باہر نکلیں، اپنے مستقبل اور حال پر توجہ دیں، روزگار سب سے ضروری ہے۔ اپنوں کی شکایت بھی دور ہوگی اور اللہ پاک کی ناراضگی سے محفوظ رہیں گے، اس لئے توبہ کرکے واپس آ جائیں۔

یہ بھی پڑھیں: کمبوڈیا کا ٹرمپ کو نوبل امن انعام کیلئے نامزد کرنے کا اعلان

برج جدی

سیارہ زحل، 21 دسمبر سے 19 جنوری

آپ کو اپنوں کی طرف سے جو کشیدگی کا سامنا تھا، وہ انشاءاللہ تیزی سے ختم ہونا شروع ہوگئی ہے۔ چند دنوں میں صورتِ حال معمول پر آ جائے گی اور آپ کو سکون کا سانس ملے گا۔ البتہ ان لوگوں کو مشورہ ہے جو ان دنوں کسی کے عشق میں مبتلا ہیں، ان کو ناکامی ملے گی، بدنامی ہو سکتی ہے اور بعض کو قانونی معاملات کا بھی خطرہ رہے گا، فوری طور پر اپنا قبلہ درست کرلیں۔

یہ بھی پڑھیں: پورٹریٹ مہارت کے نئے دور کا آغاز، ویوو نے پاکستان میں V60 متعارف کروا دیا

برج دلو

سیارہ زحل، 20 جنوری سے 18 فروری

آپ کی ایک دلی مراد انشاءاللہ پوری ہونے جا رہی ہے، برسوں سے اس کا انتظار تھا اور جس بھی کام میں اب ہاتھ ڈالنے سے گھبرا رہے تھے، وہ اب آسان ہوگا، فکر مند نہ ہوں۔ جو رکاوٹیں پہاڑ جیسی لگ رہی تھیں، وہ ایسے کم ہوں گی کہ عقل حیران رہ جائے گی۔ اب حالات تیزی سے آپ کے حق میں ہونے جا رہے ہیں۔ آپ کو زندگی گزارنے کا اب مزا آئے گا۔

سیارہ مشتری

19 فروری سے 20 مارچ

آپ اس طرف جا رہے ہیں جہاں آپ کا کوئی کام نہیں ہے اور اس میں نقصان کا خطرہ بھی ہے۔ پہلے حالات کا اچھی طرح جائزہ لیں، ہو سکے تو استخارے سے مدد لیں پھر کوئی قدم اٹھائیں۔ ان دنوں رسک لے کر بالکل بھی نہیں چلنا، اپنے مال، گھر، عزت، ان کی حفاظت سب سے زیادہ ضروری ہونی چاہیے اور جو آفر پردہ غیب سے ملے وہ بہتر ہے، اس طرف غور ضرور کریں۔