طالبہ نے کلاس روم میں شادی کی پیشکش کرنے پر پروفیسر کی ٹھکائی کر دی

بھارتی پروفیسر کی شادی کی پیشکش

ممبئی (ڈیلی پاکستان آن لائن) بھارتی شہر بنگلورو میں میڈیکل کالج کے ایک پروفیسر نے ایک طالبہ کو کلاس روم کے اندر شادی کی پیشکش کی جس پر طالبہ نے دیگر طالبعلموں کے ساتھ مل کر استاد کی پٹائی کر ڈالی۔

یہ بھی پڑھیں: BNB کی فیشل کٹ نے فروخت کے تمام ریکارڈ توڑ دیے

واقعے کی تفصیلات

این ڈی ٹی وی کے مطابق کلاس کے دوران پروفیسر نے طالبہ سے اپنے جذبات کا اظہار کیا لیکن خاتون نے فوری طور پر اعتراض اٹھایا جس کے نتیجے میں دونوں کے درمیان تند و تیز جملوں کا تبادلہ بھی ہوا۔

یہ بھی پڑھیں: ایم کیو ایم کی رکن قومی اسمبلی رعنا انصار کا بیٹا ٹریفک حادثے میں جاں بحق

سوشل میڈیا پر وائرل ویڈیو

سوشل میڈیا پر سامنے آنے والی ویڈیو میں دیکھا جاسکتا ہے کہ پروفیسر طالبہ سے کہہ رہا ہے کہ تم نے مجھ سے کہا تھا 'میں تم سے پیار کرتی ہوں' جس پر خاتون نے اس دعوے کی سختی سے تردید کرتے ہوئے کہا 'میں نے یہ نہیں کہا'۔

بحث اور اس کے نتائج

فوٹیج میں پروفیسر کو مائیک آن کرکے یہ کہتے ہوئے سنا جاسکتا ہے کہ آج میں اپنے بیچ کی سب سے اہم لڑکیوں میں سے ایک کو پروپوز کرنا چاہوں گا۔

تاہم بعدازاں دونوں میں بحث شروع ہوجاتی ہے۔

ویڈیو کے دوسرے حصے میں طالبہ کو دیگر طالبعلموں کے ساتھ مل کر استاد کی چپل اور تھپڑوں سے پٹائی کرتے دیکھا جاسکتا ہے۔