سعودی وزیر خارجہ کی وزیراعظم سے ملاقات، خطے میں امن کیلیے کوششیں جاری رکھنے پر اتفاق

سعودی وزیر خارجہ کی وزیراعظم سے ملاقات

اسلام آباد(ڈیلی پاکستان آن لائن) سعودی وزیر خارجہ شہزادہ فیصل بن فرحان نے وزیراعظم شہباز شریف سے ملاقات کی، جس میں وزیراعظم نے پاکستان کی جانب سے سعودی عرب کے ساتھ مکمل یکجہتی کا اعادہ کیا۔

یہ بھی پڑھیں: احمد پور شرقیہ: پاکستان ایکسپریس ٹرین کی 2 بوگیاں ٹریک سے اتر گئیں

ملاقات میں شریک اہم شخصیات

وزیر خارجہ اسحاق ڈار اور مشیر قومی سلامتی لیفٹیننٹ جنرل محمد عاصم ملک بھی ملاقات میں موجود تھے۔

یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا ؟

ملاقات کا ماحول اور موضوعات

اعلامیے کے مطابق، دونوں رہنماؤں کی ملاقات خوشگوار اور دوستانہ ماحول میں ہوئی۔ ملاقات میں خطے کی موجودہ صورتحال اور امن واستحکام پر تبادلۂ خیال ہوا۔ وزیراعظم نے خادم الحرمین الشریفین شاہ سلمان بن عبدالعزیز کے لیے نیک تمناؤں کا اظہار کیا اور ولی عہد محمد بن سلمان کے لیے بھی نیک خواہشات کا پیغام دیا۔ وزیراعظم نے موجودہ بحران کے دوران سعودی عرب کے غیرمعمولی تحمل کو سراہا اور حالیہ دنوں میں ولی عہد کے ساتھ اپنی گفتگو کا حوالہ بھی دیا۔

یہ بھی پڑھیں: No Tolerance for Those Who Resort to Violence: Maryam Nawaz

پاکستان کی سفارتی کوششیں

’’جیو نیوز‘‘ کے مطابق، وزیراعظم نے سعودی وزیر خارجہ کو موجودہ بحران کے دوران پاکستان کی سفارتی کوششوں سے آگاہ کیا، فیصل بن فرحان کو امریکہ اور ایران کو مذاکرات کی میز پر لانے کی کوششوں سے بھی آگاہ کیا۔ وزیراعظم نے مسلم امہ میں سعودی عرب کے قائدانہ کردار پر زور دیا اور اسلامی ممالک کے درمیان اتحاد کی ضرورت کو اجاگر کیا۔