تجاویز غیر معقول اور حد سے زیادہ تھیں، ایران نے امریکہ کے ساتھ براہِ راست مذاکرات کی تردید کر دی

ایران نے امریکہ کے ساتھ مذاکرات کی تردید

تہران (مانیٹرنگ ڈیسک) ایران نے امریکہ کے ساتھ براہِ راست مذاکرات کی تردید کر دی۔

یہ بھی پڑھیں: وکیل ہر کوئی بن جاتا ہے مگر قابل وکیل کوئی کوئی بنتا ہے، چیف جسٹس لاہور ہائیکورٹ نے راولپنڈی بنچ سے کیس لاہور ہائیکورٹ ٹرانسفر کرنے کی درخواست خارج کردی۔

ایرانی وزارت خارجہ کا بیان

اس حوالے سے ایرانی وزارت خارجہ کے ترجمان اسماعیل بقائی کا کہنا ہے کہ امریکہ کے ساتھ کوئی براہِ راست بات چیت نہیں ہوئی، پیغامات ثالثوں کے ذریعے پہنچائے گئے۔ ایران کو بھیجی گئی تجاویز زیادہ تر غیر حقیقت پسندانہ، غیر معقول اور حد سے زیادہ تھیں۔ خوش آئند ہے کہ علاقائی ممالک امن کی کوشش کر رہے ہیں۔ صورتِ حال کو حقیقت پسندانہ انداز میں دیکھنا ضروری ہے۔

یہ بھی پڑھیں: سینئر اداکار عشرت عباس دل کا دورہ پڑنے سے انتقال کرگئے

یوکرین تنازعہ پر تبصرہ

’’جنگ‘‘ کے مطابق ایرانی وزارت خارجہ کے ترجمان نے کہا کہ یوکرین تنازع کو امریکہ اسرائیل کی ایران کے خلاف جنگ سے جوڑنا تباہ کن غلط فہمی ہے، لبنان میں ایرانی سفیر بیروت میں اپنے فرائض انجام دیتے رہیں گے۔

امریکی صدر کا انتباہ

دوسری جانب امریکی صدر ڈونلڈ ٹرمپ نے ایرانی قیادت کو خبردار کیا ہے کہ اگر اس نے اپنے جوہری عزائم ترک نہ کیے تو اسے مستقبل میں اپنے ملک سے بھی ہاتھ دھونا پڑ سکتا ہے۔