نیتن یاہو نے اسرائیلی فوج کو جنوبی لبنان میں مزید زمینوں پر قبضے کا حکم دیدیا

نیتن یاہو کا تازہ حکم

تل ابیب (مانیٹرنگ ڈیسک) اسرائیلی وزیراعظم نیتن یاہو نے اسرائیلی فوج کو جنوبی لبنان میں سیکیورٹی زون کی آڑ میں مزید زمینوں پر قبضے کا حکم دے دیا۔

یہ بھی پڑھیں: جھوٹ، خوشامد کا کلچر، تعصب، تنگ نظری، توہمات اور عدم برداشت کے سائے دور کیے جا سکتے ہیں،ہماری قوم مثالی معاشرے کے قیام کی حامل بن سکتی ہے۔

سیکیورٹی زون کی توسیع

برطانوی نشریاتی ادارے کے مطابق اسرائیلی وزیرِاعظم نیتن یاہو نے کہا ہے کہ جنوبی لبنان میں موجود اُس سیکورٹی زون کو مزید وسعت دینے کا حکم دیا ہے جسے وہ موجودہ حفاظتی علاقہ قرار دیتے ہیں۔

یہ بھی پڑھیں: وزیراعلیٰ مریم نواز کا قصور میں ٹرک کی ٹکر سے 4 افراد کے جاں بحق ہونے پر اظہار افسوس

آئی ڈی ایف کی کارروائیاں

’’دنیا نیوز‘‘ کے مطابق اسرائیلی فوج (آئی ڈی ایف) کی شمالی کمان کے ہیڈکوارٹرز کے دورے کے دوران نیتن یاہو کا کہنا تھا کہ اس اقدام کا مقصد حزب اللہ کی جانب سے دراندازی کے خطرے کو مکمل طور پر روکنا اور اینٹی ٹینک میزائلوں کی فائرنگ کو سرحد سے دور دھکیلنا ہے۔

یہ بھی پڑھیں: پاکستان اور امریکہ کے درمیان تجارت کا حجم آٹھ ارب ڈالرسے تجاوز کرنے کا امکان ہے، امریکی ناظم الامور نیٹلی

لبنانی شہریوں کے حقوق

انہوں نے یہ واضح نہیں کیا کہ یہ توسیع اسی زون کے اندر ہے یا نہیں، اس کے بارے میں گذشتہ ہفتے اسرائیلی وزیرِ دفاع اسرائیل کاٹز نے کہا تھا کہ اب یہ دریائے لیطانی تک پھیلا دیا جائے گا اور اس وقت تک کسی لبنانی شہری کو اپنے گھر میں رہنے کی اجازت نہیں ہوگی جب تک حزب اللہ کی جانب سے شمالی اسرائیل کو لاحق خطرہ پوری طرح ختم نہیں ہو جاتا۔

یہ بھی پڑھیں: ویوو پاکستان کا نیا Y31d لانچ، mAh 7200 بیٹری کے ساتھ نان اسٹاپ پرفارمنس

سخت اقدامات کا امکان

کاٹز کا بیان لبنان میں اسرائیلی حکومت کے عزائم کے بارے میں اب تک کا سب سے سخت مؤقف سمجھا جا رہا ہے۔ یہ ایسا قدم ہے جس سے ملک کا تقریباً دسواں حصہ اسرائیلی کنٹرول میں آ جاتا ہے۔

اراضی کا قبضہ

واضح رہے کہ اسرائیل سیکیورٹی زون کی آڑ میں جنوبی لبنان میں زمینوں پر قبضے کر رہا ہے۔