اسحاق ڈار کل بیجنگ جائیں گے

چین کا دورہ

بیجنگ (ڈیلی پاکستان آن لائن) چین کے وزیر خارجہ وانگ یی کی دعوت پر نائب وزیر اعظم و وزیر خارجہ اسحاق ڈار کل چین کا دورہ کریں گے۔

یہ بھی پڑھیں: پی ٹی آئی کا گورنر خیبر پختونخوا کی جانب سے طلب کردہ کل جماعتی کانفرنس میں شرکت نہ کرنے کا اعلان

پاکستان اور چین کی شراکت داری

دفتر خارجہ کے مطابق پاکستان اور چین کے درمیان ہر موسم میں قائم رہنے والی سٹریٹجک تعاون پر مبنی شراکت داری موجود ہے، جو علاقائی اور بین الاقوامی امور پر قریبی ہم آہنگی اور باقاعدہ مشاورت سے عبارت ہے۔

یہ بھی پڑھیں: پاکستان بزنس کونسل دبئی کا وفاقی وزیر احسن اقبال چوہدری کے ساتھ انٹرا یکٹو سیشن، اوورسیز پاکستانیوں کے مسائل سے آگاہ کیا گیا

دورے کا مقصد

اس تناظر میں یہ آئندہ دورہ دونوں ممالک کو علاقائی صورتحال کے ساتھ ساتھ دوطرفہ اور عالمی سطح کے باہمی دلچسپی کے امور پر تفصیلی تبادلۂ خیال کا موقع فراہم کرے گا۔

وزیر خارجہ کا عزم

نائب وزیراعظم کا یہ دورہ گزشتہ روز کندھے کے فریکچر کے بعد ڈاکٹروں کی جانب سے آرام کے مشورے کے باوجود اس بات کا واضح ثبوت ہے کہ پاکستان اپنے چین کے ساتھ تعلقات کو کس قدر اہمیت دیتا ہے۔