علی امین گنڈ پور کو ہٹانے کے لیے پارٹی نے الزام تراشیاں کی تھیں، اب ایسے بندے کو وزیراعلیٰ بنایا گیا ہے جو پرائمری سکول نہیں چلا سکتا، شیر افضل مروت۔

شیر افضل مروت کا بیان

اسلام آباد (ڈیلی پاکستان آن لائن) رکن قومی اسمبلی شیر افضل مروت کا کہنا ہے کہ عمران خان اپنی بہنوں کی وجہ سے جیل سے باہر نہیں آسکتے۔

یہ بھی پڑھیں: خیبرپختونخوا حکومت نے نیشنل ایکشن پلان پرعمل نہیں کیا، پی ٹی آئی دور میں طالبان کو جیلوں سے رہا کروایا گیا، عابد شیرعلی

حضرت یوسف کی مثال

میڈیا سے گفتگو کرتے ہوئے شیر افضل مروت نے کہا کہ حضرت یوسف علیہ السلام کو اللہ تعالیٰ نے بھائی عطا کیے تھے جبکہ عمران خان کو بہنیں نصیب ہوئی ہیں، اور ان کے ہوتے ہوئے عمران خان جیل سے باہر نہیں آسکتے۔

یہ بھی پڑھیں: سپریم کورٹ نے بیٹے کو مبینہ زہر دینے کے مقدمے میں والد کو بری کر دیا

علی امین گنڈ پور کی ہٹائی جانا

انہوں نے کہا کہ علی امین گنڈ پور کو ہٹانے کے لیے پارٹی نے الزام تراشیاں کی تھیں۔ اب ایسے بندے کو وزیراعلیٰ بنایا گیا ہے جو پرائمری سکول نہیں چلا سکتا۔ موجودہ وزیراعلیٰ خیبر پختونخوا 6 ماہ میں اپنی کابینہ بھی نہیں بنا سکے ہیں۔

وزیراعلیٰ اور اسٹیبلشمنٹ کے روابط

ان کا مزید کہنا تھا کہ کس وزیراعلیٰ کے اسٹیبلشمنٹ سے رابطے نہیں ہوتے؟ علی امین گنڈاپور پر اسٹیبلشمنٹ سے رابطے کا الزام لگاتے ہیں، موجودہ وزیراعلیٰ تو اسٹیبلشمنٹ سے رابطوں میں 10 قدم آگے ہیں۔