خدیجہ تشدد کیس، صنعتکار شیخ دانش اور ان کی اہلیہ ماہم کو سزا سنا دی گئی
فیصل آباد میں خدیجہ تشدد کیس کا فیصلہ
فیصل آباد (ڈیلی پاکستان آن لائن) خدیجہ تشدد کیس میں صنعتکار شیخ دانش اور ان کی اہلیہ ملزمہ ماہم کو سزا سنا دی گئی۔
یہ بھی پڑھیں: جوڑے کی جہاز میں شرمناک حرکات کی ویڈیو وائرل، سٹاف کو لینے کے دینے پڑ گئے
سزا کی تفصیلات
متاثرہ کی طرف سے زین قریشی ایڈووکیٹ نے کیس لڑا۔ عدالت نے ملزم شیخ دانش کو پانچ سال قید اور ایک کروڑ جرمانہ کیا گیا ہے۔ ان کی اہلیہ ماہم کو 3 سال کی سزا سنائی گئی ہے۔
یہ بھی پڑھیں: پاکستان نے افغان ٹرکوں کو واہگہ بارڈر کے راستے بھارت جانے کی اجازت دے دی
واقعے کی پس منظر
واضح رہے کہ یہ واقعہ اگست 2022 میں پیش آیا تھا جس میں میڈیکل کی طالبہ خدیجہ کو تشدد کا نشانہ بنایا گیا، اس کے بال اور بھنویں مونڈی گئیں اور اس سارے عمل کی ویڈیوز سوشل میڈیا پر وائرل کی گئیں۔
یہ بھی پڑھیں: وزیراعلیٰ پنجاب مریم نواز کی بھارتی حملے کی شدید مذمت، پنجاب میں ایمرجنسی نافذ
مقدمے کی تفصیلات
درج کیے گئے مقدمے کے مطابق متاثرہ طالبہ اپنی بوڑھی والدہ کے ساتھ رہتی ہے۔ جس کے دو بھائی برطانیہ اور آسٹریلیا میں مقیم ہیں۔ مقدمے میں کہا گیا ہے کہ اِس کی اپنے اسکول کی ساتھی انا شیخ کے ساتھ دوستی اور خاندانی مراسم تھے۔ جن کے والد اور مقدمے میں نامزد مرکزی ملزم شیخ دانش نے اُن کے گھر شادی کا پیغام بھیجا۔
یہ بھی پڑھیں: وفاقی کابینہ کا اجلاس آج منعقد ہوگا
تشدد کے واقعات
شکایت کنندہ لڑکی کے مطابق جب اُس نے رشتہ سے انکار کیا تو ملزم اور اس کے ساتھیوں نے اسے اور اس کے بھائی کو تشدد کا نشانہ بنایا۔ ملزمان نے انہیں اپنے جوتے چاٹنے پر مجبور کیا۔ ایف آئی آر کے مطابق ان کا سر اور ایک ابرو مونڈھ دی اور ذلت آمیز سلوک کی ویڈیو بھی بنائی۔
یہ بھی پڑھیں: جو وعدہ کرتا ہوں پورا کرتا ہوں، ہمیں کسی سے بھیگ مانگنے کی ضرورت نہیں،سرفرار بگٹی
جنسی استحصال کا الزام
متاثرہ لڑکی کا دعوٰی ہے کہ ملزمان نے اُسے جنسی استحصال کا نشانہ بنایا اور اس فعل کو ریکارڈ کیا۔ دھمکی دی کہ اِسے سوشل میڈیا پر شئیر کر دینگے۔
سوشل میڈیا پر وائرل ویڈیوز
واقعے کے کچھ ویڈیو کلپس سوشل میڈیا پر وائرل ہو گئے تھے۔ سوشل میڈیا پر دستیاب ویڈیو کلپس میں نامعلوم افراد کی جانب سے ایک خاتون پر تشدد، بالوں سے پکڑ کر گھسیٹنے، جوتے چاٹنے سمیت دیگر انسانیت سوز سلوک کرتے دیکھا جا سکتا ہے۔
