ملکی سطح پر تیل و گیس کے شعبے سے اچھی خبر ، وزیرستان کے کنویں سے پیداوار شروع

اسلام آباد (ویب ڈیسک) ملکی سطح پر تیل و گیس کے شعبے سے اچھی خبر سامنے آئی ہے جب کہ وزیرستان بلاک میں اسپن وام کنویں سے گیس اور کنڈینسیٹ کی پیداوار شروع ہوگئی۔

اسپن وام منصوبے کی افتتاح

ایکسپریس نیوز کے مطابق وفاقی وزیر پیٹرولیم علی پرویز ملک نے اسپن وام منصوبے کا افتتاح کر دیا۔ ماڑی انرجیز نے کہا کہ اسپن وام دریافت سے پاکستان کی توانائی سکیورٹی مضبوط ہوگی، اسپن وام سے ابتدائی پیداوار 40 ایم ایم ایس سی ایف ڈی گیس حاصل ہوگی۔

وزیرستان بلاک کی مجموعی گیس فراہمی

وزیرستان بلاک سے مجموعی گیس فراہمی تقریباً 100 ایم ایم ایس سی ایف ڈی تک پہنچ گئی۔ وزیر پیٹرولیم نے کہا کہ منصوبے کی تکمیل میں قانون نافذ کرنے والے اداروں کی قربانیاں قابلِ تحسین ہیں۔

ملکی ہائیڈروکاربن وسائل کی ترقی

ماڑی انرجیز نے کہا کہ شیوا اور اسپن وام کو قومی گیس گرڈ سے منسلک کر دیا گیا ہے۔ مقامی ہائیڈروکاربن وسائل کی ترقی سے درآمدی ایندھن پر انحصار کم ہوگا۔

جوائنٹ وینچر میں شامل کمپنیاں

منصوبہ ماڑی انرجیز، او جی ڈی سی ایل اور اورینٹ پیٹرولیم پر مشتمل جوائنٹ وینچر ہے۔ ماڑی انرجیز کے مطابق وزیرستان میں مزید تلاش و پیداوار کے منصوبوں کی توقع ہے۔