مشرق وسطیٰ کی صورتحال، فلائٹ آپریشن اپریل کے پہلے روز بھی بری طرح متاثر

مشرق وسطیٰ کی صورتحال

لاہور (ڈیلی پاکستان آن لائن) مشرق وسطیٰ کی صورتحال کے باعث فلائٹ آپریشن اپریل کے پہلے روز بھی بری طرح متاثر ہوا۔ پاکستان سے 32 دن کے دوران مشرق وسطیٰ کی مجموعی منسوخ پروازوں کی تعداد 2528 ہوگئی۔

یہ بھی پڑھیں: حضرت فاطمہؓ مسلمان خواتین کی رول ماڈل

ایئرپورٹ ذرائع کی معلومات

ائیرپورٹ ذرائع کے مطابق ملک کے بین الاقوامی 5 ایئرپورٹس سے مشرق وسطیٰ کے مختلف ایئرپورٹس کی دو طرفہ 54 پروازیں منسوخ کی گئی ہیں، جن میں پی آئی اے، ایئربلو، ایر عربیہ، ایران ایئر، قطر سمیت دیگر ایئرلائنز کی فلائٹس شامل ہیں۔

یہ بھی پڑھیں: پاکستان یوتھ موومنٹ پہلی تنظیم تھی جس نے قرأت کے مقابلوں کا آغاز کیا، ماہ رمضان میں سلسلہ شروع کیا گیا آگے جا کر مقابلوں نے روایت پکڑ لی۔

پروازوں کی منسوخی کی تفصیلات

کراچی ایئرپورٹ سے ابوظہبی، جدہ، مشہد، شارجہ، مدینہ، دوحہ، دبئی کی دو طرفہ 18 پروازیں منسوخ ہوئیں۔ اسلام آباد ایئرپورٹ سے دو طرفہ 20 پروازیں منسوخ کی گئیں، جن میں ریاض، شارجہ، جدہ، ابوظہبی، دبئی کی پروازیں شامل ہیں۔

لاہور اور دیگر ایئرپورٹس کی صورتحال

لاہور ایئرپورٹ پر مشرق وسطیٰ کی پروازوں کے آپریشن میں دو طرفہ 4 پروازیں منسوخ کی گئیں، جن میں دبئی اور بحرین سیکٹر شامل ہیں۔ پشاور ایئرپورٹ پر دوحہ، شارجہ، دبئی، ابوظہبی کی دو طرفہ 10 پروازیں منسوخ ہوئیں، جبکہ ملتان ایئرپورٹ سے دوحہ کی دو طرفہ صرف 2 پروازیں منسوخ کی گئیں۔