راولپنڈی میں 17 سالہ بھانجی سے جنسی زیادتی اور جسم فروشی کرانے میں ملوث خالہ، خالو اور نائیکہ گرفتار

راولپنڈی میں لڑکی کا اغوا اور زیادتی کا واقعہ

راولپنڈی(ڈیلی پاکستان آن لائن) تھانہ پیرودھائی کے علاقے میں 17 سالہ لڑکی کو اغوا کرکے مبینہ زیادتی کا نشانہ بنانے سمیت نائیکہ کے حوالے کرنے اور دو ماہ تک لڑکی سے جسم فروشی کا دھندہ کرانے میں ملوث متاثرہ لڑکی کے خالہ و خالو سمیت نائیکہ کو گرفتاری دے دی گئی ہے۔

یہ بھی پڑھیں: پاکستان ہاکی ٹیم کی انٹرنیشنل رینکنگ میں 2 درجے بہتری، 12ویں پوزیشن پر پہنچ گئی

مقدمہ درج کرانے کی تفصیلات

پولیس کے مطابق 17 سالہ لڑکی کی والدہ نے پیرودھائی پولیس کو مقدمہ درج کراتے ہوئے بتایا کہ ہمشیرہ مسماتہ آمنہ بی بی جو پیرودھائی میں رہتی ہے، نے میری 17 سالہ بیٹی کو فون کرکے بلایا اور اپنے خاوند قیصر کے ساتھ مل کر اس کو اغوا کرکے دوسری رہائش مری میں لے گئے۔

یہ بھی پڑھیں: اگر تمام پابندیاں مکمل طور پر ختم کر دی جائیں تو اپنے انتہائی افزودہ یورینیم کو کمزور کرنے پر تیار ہیں، ایران کا اعلان

زیادتی اور تشدد کے مظالم

جہاں بیٹی کے خالو قیصر نے بیٹی کو زبردستی زیادتی کا نشانہ بنایا اور سنگین نتائج کی دھمکیاں دے کر اورتشدد کرکے ہمشیرہ نے نازیبا ویڈیوز بھی بنائیں۔ بعدازاں دونوں بیٹی کو پیرودھائی لے آئے۔

جسم فروشی کا دھندہ

جہاں ایک ہوٹل پر نائیکہ مسماتہ طیبہ اور اس کے خاوند ذکا ل کے حوالے کردیا گیا۔ وہاں وہ اس سے زبردستی ویڈیوز وائرل کرنے اور سنگین نتائج کی دھمکیاں دے کر جسم فروشی کا دھندہ کرواتے رہے۔ جبکہ ہمشیرہ اور بہنوئی وہاں خیریت پوچھنے جاتے اور روزانہ دو ہزار روپے لے کر آتے رہے۔