مشرق وسطیٰ کے حوالے سے پاکستان کے ذمہ دارانہ مؤقف اور دانشمندانہ سفارت کاری کو سراہتے ہیں، سعودی سفیر

سعودی سفیر کا پاکستان کے کردار پر تبصرہ

اسلام آباد(ڈیلی پاکستان آن لائن) سعودی سفیر نواف بن سعید المالکی نے مشرق وسطیٰ کی کشیدہ صورتحال پر پاکستان کے سفارتی کردار کی تعریف کرتے ہوئے کہا ہے کہ پاکستان کے ذمہ دارانہ مؤقف اور دانشمندانہ سفارتکاری کو سراہتے ہیں۔

یہ بھی پڑھیں: گندم کی 30 ہزار بوریاں چوری ہونے کے سکینڈل میں اسسٹنٹ فوڈ کنٹرولر کی ضمانت مسترد

خلیجی ملکوں پر حملے کی تشویش

پاکستان میں سعودی سفیر نواف بن سعید المالکی نے اپنے ایک بیان میں کہا کہ سعودی عرب سمیت خلیجی ملکوں پر حملے شدید تشویش کا باعث ہیں، جارحانہ اقدامات خود مختار ریاستوں کے خلاف بلاجواز جارحیت ہیں۔

یہ بھی پڑھیں: نور خان بیس پر حملے کے وقت پی ایس ایل کے غیر ملکی کھلاڑیوں کا طیارہ کہاں تھا؟ ایسا دعویٰ کہ آپ بھی شکر کریں گے

عالمی قوانین کی خلاف ورزی

سعودی سفیر نے کہا کہ حملے عالمی قوانین اور اقوام متحدہ کے اصولوں کی کھلی خلاف ورزی ہیں۔ ان حملوں میں قیمتی جانی نقصان ہوا ہے، رہائشی علاقوں، شہری تنصیبات اور ہوائی اڈوں کو نشانہ بنایا گیا۔ خطے میں استحکام سب کی مشترکہ ذمہ داری ہے۔

یہ بھی پڑھیں: مسافت برسوں پر پھیل گئی، گاؤں جاتا ہوں تو کسی نہ کسی اسٹیشن کے کھنڈر کے سامنے ٹھہر کراس ڈھائی جانیوالی عمارت میں شاندار ماضی تلاش کرتا پھرتا ہوں

بحران پر قابو پانے کے طریقے

سعودی سفیر نواف بن سعید المالکی نے کہا کہ دانشمندی اور عالمی یکجہتی ہی بحران پر قابو پانے کا ذریعہ ہیں۔ ہم سب کے مستقبل کے تحفظ کے لیے عالمی قوانین کا احترام ضروری ہے۔

امن و سلامتی کے حفظ کے اصول

سعودی سفیر کا کہنا تھا کہ پاکستان کے ذمہ دارانہ مؤقف اور دانشمندانہ سفارتکاری کو سراہتے ہیں۔ انسانی اصولوں پر قائم رہنا ہی امن و سلامتی کے تحفظ کا بہترین راستہ ہے۔