مشرق وسطیٰ کے حوالے سے پاکستان کے ذمہ دارانہ مؤقف اور دانشمندانہ سفارت کاری کو سراہتے ہیں، سعودی سفیر

سعودی سفیر کا پاکستان کے کردار پر تبصرہ

اسلام آباد(ڈیلی پاکستان آن لائن) سعودی سفیر نواف بن سعید المالکی نے مشرق وسطیٰ کی کشیدہ صورتحال پر پاکستان کے سفارتی کردار کی تعریف کرتے ہوئے کہا ہے کہ پاکستان کے ذمہ دارانہ مؤقف اور دانشمندانہ سفارتکاری کو سراہتے ہیں۔

یہ بھی پڑھیں: 1 مئی مقدمات؛ سپریم کورٹ نے عمر سرفراز چیمہ کا کیس بانی پی ٹی آئی کے ساتھ منسلک کردیا

خلیجی ملکوں پر حملے کی تشویش

پاکستان میں سعودی سفیر نواف بن سعید المالکی نے اپنے ایک بیان میں کہا کہ سعودی عرب سمیت خلیجی ملکوں پر حملے شدید تشویش کا باعث ہیں، جارحانہ اقدامات خود مختار ریاستوں کے خلاف بلاجواز جارحیت ہیں۔

یہ بھی پڑھیں: تھرپارکر : گھر کے سربراہ نے بیوی اور3 بچوں کو زہردے کر خود کشی کرلی

عالمی قوانین کی خلاف ورزی

سعودی سفیر نے کہا کہ حملے عالمی قوانین اور اقوام متحدہ کے اصولوں کی کھلی خلاف ورزی ہیں۔ ان حملوں میں قیمتی جانی نقصان ہوا ہے، رہائشی علاقوں، شہری تنصیبات اور ہوائی اڈوں کو نشانہ بنایا گیا۔ خطے میں استحکام سب کی مشترکہ ذمہ داری ہے۔

یہ بھی پڑھیں: جسٹس اعجاز سواتی کی چیف جسٹس بلوچستان ہائیکورٹ تقرری کی منظوری

بحران پر قابو پانے کے طریقے

سعودی سفیر نواف بن سعید المالکی نے کہا کہ دانشمندی اور عالمی یکجہتی ہی بحران پر قابو پانے کا ذریعہ ہیں۔ ہم سب کے مستقبل کے تحفظ کے لیے عالمی قوانین کا احترام ضروری ہے۔

امن و سلامتی کے حفظ کے اصول

سعودی سفیر کا کہنا تھا کہ پاکستان کے ذمہ دارانہ مؤقف اور دانشمندانہ سفارتکاری کو سراہتے ہیں۔ انسانی اصولوں پر قائم رہنا ہی امن و سلامتی کے تحفظ کا بہترین راستہ ہے۔