کفایت شعاری کے باوجود پیٹرولیم مصنوعات کے استعمال میں بڑا اضافہ ریکارڈ

پیٹرولیم مصنوعات کی فروخت میں اضافہ

لاہور (ڈیلی پاکستان آن لائن) کفایت شاری مہم کے باوجود ملک میں پیٹرولیم مصنوعات کی فروخت میں اضافہ ہوگیا۔ آئل مارکیٹنگ کمپنیوں کی فروخت مارچ میں 13 فیصد تک بڑھ گئی۔

یہ بھی پڑھیں: پرائم منسٹر الیکٹرک بائیک اور رکشہ اسکیم 2026 کا باقاعدہ آغاز ہو گیا ، حکومت کی جانب سے فی موٹر سائیکل پر80ہزار اور الیکٹرک رکشے پر 4لاکھ روپے سبسڈی دی جائے گی

مارچ کی فروخت کے اعداد و شمار

نجی ٹی وی سماء نیوز نے ذرائع سے دعویٰ کیا ہے کہ مارچ میں پیٹرولیم مصنوعات کی فروخت 1.44 ملین ٹن ہوگئی، سالانہ بنیادوں پر 19 فیصد اضافہ ہوگیا۔ رواں مالی سال کے 9 ماہ میں او ایم سیز کی فروخت 12.40 ملین ٹن رہی، آئل مارکیٹنگ کمپنیوں کی مجموعی سیلز میں 5 فیصد سالانہ اضافہ رہا۔

یہ بھی پڑھیں: سیکیورٹی اداروں میں بغاوت کو ہوا دینے والا ملک کا دشمن ہے : آرمی چیف

پیٹرول اور ڈیزل کی فروخت

پیٹرول کی فروخت 0.67 ملین ٹن رہی جو کہ 16 فیصد سالانہ اضافہ کا مظہر ہے۔ ڈیزل کی فروخت 0.62 ملین ٹن رہی، جس میں 21 فیصد اضافہ ریکارڈ کیا گیا۔ فرنس آئل کی فروخت میں 98 فیصد ماہانہ کا بڑا اضافہ ریکارڈ کیا گیا۔