اگر ایران جنگ جاری رہی تو آبنائے ہرمز کا راستہ بحال نہیں ہوگا، چین

چین کی ایران کے لئے جنگ بندی کی اپیل

بیجنگ (ڈیلی پاکستان آن لائن) چین نے یہ واضح کیا ہے کہ اگر ایران کی جنگ جاری رہی تو آبنائے ہرمز کا راستہ بحال نہیں ہوگا۔ چین کے وزیر خارجہ وانگ ای نے سعودی وزیر خارجہ فیصل بن فرحان سے ٹیلیفون پر گفتگو کی۔

یہ بھی پڑھیں: چین میں زراعت کے لیے کون سی جدید ترین ٹیکنالوجیاں استعمال کی جاتی ہیں؟ وہ ویڈیو جو ہمارے کسانوں کو ضرور دیکھنی چاہیے

آبنائے ہرمز کی صورتحال

چینی میڈیا کے مطابق، وانگ ای نے کہا کہ آبنائے ہرمز سے گزرنے کا مسئلہ ایران کی جنگ کے پھیلاؤ کا نتیجہ ہے۔ جب تک یہ جنگ جاری رہے گی، آبنائے ہرمز کا راستہ مستحکم نہیں ہو سکے گا۔

فوری جنگ بندی کی ضرورت

چینی وزیر خارجہ وانگ ای نے تنازع کے حل کے لئے فوری جنگ بندی کی ضرورت پر زور دیا۔ انہوں نے یورپی یونین کے اعلیٰ سفارتکار سے بھی ٹیلیفون پر گفتگو کی، جس میں یہ بات واضح کی گئی کہ جنگ بندی کو فروغ دینے کے لیے فریقین کے درمیان اتفاق رائے کو مضبوط کیا جانا چاہیے۔