پاکستان میں ٹیلی کام نظام پر بڑے سائبر حملوں کا خدشہ، پی ٹی اے نے وارننگ جاری کردی

پاکستان میں سائبر حملوں کا خدشہ

اسلام آباد (ڈیلی پاکستان آن لائن) پاکستان میں ٹیلی کام نظام پر بڑے سائبر حملوں کے خدشے کے پیش نظر پی ٹی اے نے وارننگ جاری کردی ہے، سیکیورٹی بہتر بنانے کیلئے نئی گائیڈ لائنز بھی دے دی گئیں۔

یہ بھی پڑھیں: ٹی 20 ورلڈکپ، پاکستان کے بائیکاٹ کے باوجود بھارتی ٹیم سری لنکا جائے گی، سوریا کمار یادیو کی تصدیق

پہلا خبردار: اہم مواصلاتی نظام کی سیکیورٹی

پی ٹی اے کے مطابق ٹیلیکام سیکٹر ڈیجیٹل تبدیلی، ای گورننس، مالیاتی نظام اور قومی سلامتی کی بنیاد ہے، جبکہ سائبر حملے اہم مواصلاتی نظام کو متاثر کر کے قومی خدمات کو مفلوج کر سکتے ہیں۔

یہ بھی پڑھیں: کراچی میں اٹلی کے قومی دن کی تقریب، خاتونِ اوّل آصفہ بھٹو، وزیر اعلیٰ سندھ اور فریال تالپور کی شرکت

دوسرا خبردار: پرانی ٹیکنالوجی کا خطرہ

اتھارٹی نے خبردار کیا ہے کہ ٹیلیکام سروسز کی بلا تعطل فراہمی ناگزیر ہے، تاہم کئی کمپنیوں کے سسٹمز اب بھی پرانی ٹیکنالوجی پر کام کر رہے ہیں، جس سے خطرات میں اضافہ ہو رہا ہے۔ ٹیلی کام کمپنیاں نیٹ ورک سیکیورٹی کے جدید معیار اپنائیں اور مصنوعی ذہانت پر مبنی ڈیٹیکشن اور رسپانس ٹیکنالوجیز کا استعمال یقینی بنائیں۔

گائیڈ لائنز: ڈی ڈاس سیکیورٹی اقدامات

گائیڈ لائنز کے تحت کمپنیوں کو چھ ماہ کے اندر ڈی ڈاس ڈیٹیکشن اور بلاکنگ سسٹم نافذ کرنے، جبکہ ایک سال میں اسے نیشنل سرٹ کے ساتھ مربوط بنانے کی ہدایت دی گئی ہے۔