وزیر اعظم کی مسیحی برادری کو گڈ فرائیڈے کی مبارکباد، یہ مقدس دن قربانی اور غور و فکر کی علامت ہے: شہباز شریف
وزیر اعظم شہباز شریف کی گڈ فرائیڈے پر مبارکباد
اسلام آباد (ڈیلی پاکستان آن لائن) وزیر اعظم محمد شہباز شریف نے مسیحی برادری کو گڈ فرائیڈے کی مبارکباد دیتے ہوئے رواداری اور پرامن بقائے باہمی کے فروغ کیلئے مشترکہ عزم کو مضبوط بنانے کی خواہش کا اظہار کیا ہے۔
وزیر اعظم کا پیغام
On the occasion of Good Friday, I extend sincere greetings to our brothers and sisters of the Christian community in Pakistan and members of the Christian faith across the world.
May this sacred day, marked by sacrifice and reflection, strengthen our shared commitment to…
— Shehbaz Sharif (@CMShehbaz) April 3, 2026
مسیحی برادری کی اہمیت
’’ایکس ‘‘ پر اپنے تہنیتی پیغام میں وزیر اعظم نے کہا کہ وہ پاکستان میں مسیحی برادری کے اپنے بھائیوں اور بہنوں اور دنیا بھر میں مسیحی عقیدے سے وابستہ افراد کو گڈ فرائیڈے کے موقع پر دلی مبارکباد پیش کرتے ہیں۔
مقدس دن کا پیغام
انہوں نے دعا کی کہ یہ مقدس دن، جو قربانی اور غور و فکر کی علامت ہے، ہمارے مشترکہ عزم کو مزید مضبوط کرے تاکہ ہم ہمدردی، رواداری اور پرامن بقائے باہمی کو فروغ دے سکیں۔








