وزیراعظم کی ہدایات پر ٹول فیس میں ہونے والا سہ ماہی اضافہ معطل
ٹول فیس میں اضافہ معطل
اسلام آباد(ڈیلی پاکستان آن لائن) وزیراعظم شہباز شریف کی ہدایات پر ٹول فیس میں ہونے والا سہ ماہی اضافہ معطل کر دیا گیا۔
یہ بھی پڑھیں: پشاور ہائی کورٹ؛ حامد رضا اور دیگر کی الیکشن کمیشن کے نااہلی کے نوٹیفکیشن کی معطلی کے لیے درخواستوں پر فیصلہ محفوظ
وفاقی وزیر کی تصدیق
نجی ٹی وی چینل جیو نیوز کے مطابق وفاقی وزیر مواصلات عبدالعلیم خان نے کہا ہے کہ وزیراعظم کی ہدایات پر ٹول فیس کا سہ ماہی اضافہ معطل کر دیا گیا ہے۔ اس ضمن میں این ایچ اے کو نوٹیفکیشن واپس لینے کے احکامات جاری کردیئے گئے ہیں۔
شہریوں پر بوجھ نہ ڈالنے کی ضرورت
عبدالعلیم خان نے مزید کہا کہ موجودہ صورت حال میں شہریوں پر مزید بوجھ نہیں ڈالا جا سکتا کیونکہ پیٹرول و ڈیزل کی قیمتوں میں اضافے کی وجہ سے وہ پہلے ہی مشکلات کا سامنا کر رہے ہیں۔
