سعودی عرب میں پاکستانی سفیر کی شہریوں کو سوشل میڈیا کے ذمہ دارانہ استعمال کی ہدایت

پاکستانی سفیر کی ہدایت

ریاض (وقار نسیم وامق) سعودی عرب میں تعینات پاکستانی سفیر احمد فاروق نے مشرق وسطیٰ کی حالیہ صورتحال کے تناظر میں مملکت میں مقیم پاکستانی شہریوں کو سوشل میڈیا کے ذمہ دارانہ استعمال کی ہدایت کی ہے۔

یہ بھی پڑھیں: خوش اور مطمئن رہنے کا فیصلہ کر لیا ہے تو آپ سے بڑھ کر کوئی ذہین نہیں، احساس کمتری میں مبتلا ہیں تو آپ دوسروں کیساتھ اپنا تقابل کرتے ہیں

امن اور استحکام کی یقین دہانی

سوشل میڈیا پلیٹ فارم ایکس پر جاری اپنے ویڈیو بیان میں انہوں نے اطمینان دلایا کہ سعودی عرب کے تمام علاقوں میں مجموعی حالات پرامن، مستحکم اور تسلی بخش ہیں اور شہری بلا خوف و خطر اپنی روزمرہ سرگرمیاں جاری رکھ سکتے ہیں۔

یہ بھی پڑھیں: بحرین: ایرانی حملوں کی ویڈیوز بنانے والے 5 پاکستانی گرفتار، سخت سزاؤں کا سامنا

ذمہ دار شہری ہونے کی اہمیت

سفیر احمد فاروق نے پاکستانی شہریوں پر زور دیا کہ وہ ایک ذمہ دار شہری ہونے کے ناطے مقامی قوانین کا مکمل احترام کریں اور کسی بھی قسم کی افواہوں، قیاس آرائیوں اور غیر مصدقہ اطلاعات کی تشہیر سے گریز کریں۔ انہوں نے سوشل میڈیا کے محتاط اور ذمہ دارانہ استعمال کی اہمیت پر زور دیتے ہوئے کہا کہ موجودہ حالات کی حساسیت کو مدنظر رکھا جائے۔

یہ بھی پڑھیں: اودھم پور میں ائیر بیس کی تباہی کی ویڈیو بھی منظرِ عام پر آ گئی

مستند ذرائع پر انحصار

انہوں نے ہدایت کی کہ درست اور بروقت معلومات کے لیے صرف سعودی حکومت کے مستند ذرائع پر انحصار کیا جائے۔ مزید برآں، حساس مقامات، فوجی تنصیبات، سرکاری و سفارتی عمارتوں کی تصاویر یا ویڈیوز بنانے سے مکمل اجتناب کیا جائے۔

یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا؟

دفاعی کارروائیوں کی رپورٹنگ

سفیر پاکستان نے خبردار کیا کہ اگر فضا میں دفاعی کارروائیوں، جیسے ڈرون یا میزائل روکنے کے مناظر دیکھے جائیں تو ان کی فلم بندی اور اشاعت سے بھی گریز کیا جائے۔

یہ بھی پڑھیں: سرینگر پر قبضے کے لیے کشمیر آنے والے پاکستانی قبائلی جنگجوؤں کو کیوں خالی ہاتھ واپس آنا پڑا؟

فضائی سفر کی صورت حال

انہوں نے مزید کہا کہ سعودی عرب کی فضائی حدود کھلی ہیں اور فضائی سفر کا نظام معمول کے مطابق جاری ہے۔

یہ بھی پڑھیں: انٹرنیشنل کمیشن آف جیورسٹ نے 26ویں آئینی ترمیم کو عدلیہ کی آزادی کے لیے دھچکا قرار دیدیا

سفارت خانہ کی تیاری

اپنے بیان کے اختتام پر سفیر احمد فاروق نے یقین دہانی کرائی کہ سفارت خانہ پاکستان ریاض بدلتی صورتحال پر مسلسل نظر رکھے ہوئے ہے اور کسی بھی ہنگامی صورتحال میں پاکستانی شہریوں کی مدد کے لیے ہر وقت تیار ہے۔

پاکستانی کمیونٹی سے اپیل

انہوں نے پاکستانی کمیونٹی سے پرسکون رہنے، ذمہ داری کا مظاہرہ کرنے اور نظم و ضبط برقرار رکھنے کی اپیل بھی کی۔