سعودی عرب میں پاکستانی سفیر کی شہریوں کو سوشل میڈیا کے ذمہ دارانہ استعمال کی ہدایت

پاکستانی سفیر کی ہدایت

ریاض (وقار نسیم وامق) سعودی عرب میں تعینات پاکستانی سفیر احمد فاروق نے مشرق وسطیٰ کی حالیہ صورتحال کے تناظر میں مملکت میں مقیم پاکستانی شہریوں کو سوشل میڈیا کے ذمہ دارانہ استعمال کی ہدایت کی ہے۔

یہ بھی پڑھیں: چین کی افغانستان اور پاکستان سے مسائل کا حل مذاکرات کے ذریعے نکالنے کی اپیل

امن اور استحکام کی یقین دہانی

سوشل میڈیا پلیٹ فارم ایکس پر جاری اپنے ویڈیو بیان میں انہوں نے اطمینان دلایا کہ سعودی عرب کے تمام علاقوں میں مجموعی حالات پرامن، مستحکم اور تسلی بخش ہیں اور شہری بلا خوف و خطر اپنی روزمرہ سرگرمیاں جاری رکھ سکتے ہیں۔

یہ بھی پڑھیں: جواد احمد کی حکومت آئی تو میں مزدور بنوں گی” ایکس صارف خاتون کا جواد احمد کے بیان پر دلچسپ تبصرہ

ذمہ دار شہری ہونے کی اہمیت

سفیر احمد فاروق نے پاکستانی شہریوں پر زور دیا کہ وہ ایک ذمہ دار شہری ہونے کے ناطے مقامی قوانین کا مکمل احترام کریں اور کسی بھی قسم کی افواہوں، قیاس آرائیوں اور غیر مصدقہ اطلاعات کی تشہیر سے گریز کریں۔ انہوں نے سوشل میڈیا کے محتاط اور ذمہ دارانہ استعمال کی اہمیت پر زور دیتے ہوئے کہا کہ موجودہ حالات کی حساسیت کو مدنظر رکھا جائے۔

یہ بھی پڑھیں: رشتے کے تنازع پر فائرنگ، تین خواتین اور ایک بچہ جاں بحق

مستند ذرائع پر انحصار

انہوں نے ہدایت کی کہ درست اور بروقت معلومات کے لیے صرف سعودی حکومت کے مستند ذرائع پر انحصار کیا جائے۔ مزید برآں، حساس مقامات، فوجی تنصیبات، سرکاری و سفارتی عمارتوں کی تصاویر یا ویڈیوز بنانے سے مکمل اجتناب کیا جائے۔

یہ بھی پڑھیں: وزیراعلیٰ سے ایتھلیٹ مونا خان کی ملاقات، پنجاب حکومت خواتین کھلاڑیوں کو آگے بڑھنے کے مساوی مواقع فراہم کررہی ہے:مریم نواز

دفاعی کارروائیوں کی رپورٹنگ

سفیر پاکستان نے خبردار کیا کہ اگر فضا میں دفاعی کارروائیوں، جیسے ڈرون یا میزائل روکنے کے مناظر دیکھے جائیں تو ان کی فلم بندی اور اشاعت سے بھی گریز کیا جائے۔

یہ بھی پڑھیں: پاکستان کرکٹ بورڈ نے نسیم شاہ کو شوکاز نوٹس جاری کردیا

فضائی سفر کی صورت حال

انہوں نے مزید کہا کہ سعودی عرب کی فضائی حدود کھلی ہیں اور فضائی سفر کا نظام معمول کے مطابق جاری ہے۔

یہ بھی پڑھیں: لکی مروت میں دہشت گردوں کی فائرنگ سے 2 پولیس اہلکار شہید

سفارت خانہ کی تیاری

اپنے بیان کے اختتام پر سفیر احمد فاروق نے یقین دہانی کرائی کہ سفارت خانہ پاکستان ریاض بدلتی صورتحال پر مسلسل نظر رکھے ہوئے ہے اور کسی بھی ہنگامی صورتحال میں پاکستانی شہریوں کی مدد کے لیے ہر وقت تیار ہے۔

پاکستانی کمیونٹی سے اپیل

انہوں نے پاکستانی کمیونٹی سے پرسکون رہنے، ذمہ داری کا مظاہرہ کرنے اور نظم و ضبط برقرار رکھنے کی اپیل بھی کی۔