مہنگائی کے معاشرے پر مثبت اثرات؟ جاوید چوہدری کی ویڈیو وائرل ہوگئی

مہنگائی پر جاوید چوہدری کا منفرد نقطہ نظر

اسلام آباد (ویب ڈیسک) پٹرولیم مصنوعات کی بڑھتی ہوئی قیمتوں کے باعث عوام حکومت سے نالاں دکھائی دے رہے ہیں۔ اس دوران، موٹیویشنل سپیکر اور سینئر صحافی جاوید چوہدری کی ایک ویڈیو وائرل ہورہی ہے، جس میں وہ مہنگائی کو ایک نعمت قرار دیتے ہیں اور اپنے دلائل پیش کرتے ہیں۔

یہ بھی پڑھیں: بھارت میں ایک ہسپتال کے ٹراما کیئر یونٹ میں آگ بھڑک اٹھی ، 10 مریض ہلاک ، 5 زخمی

مہنگائی کا سخت نوٹس

2019 کے ایک کلپ میں جاوید چوہدری نے کہا، "وزیر اعظم نے مہنگائی کا سخت نوٹس لے لیا، خود مہنگائی کرکے خود ہی نوٹس لے رہے ہیں، اس کا کیا مطلب ہے؟"

یہ بھی پڑھیں: اسلام آباد کے سیکٹر ایف سیون میں جیز (Jazz) کی جانب سے 5G کا آغاز، سوشل میڈیا پر صارفین کے پیغامات

مہنگائی کی مثبت پہلو

مبینہ طور پر 2026 کی ایک ویڈیو میں انہوں نے فرمایا، "مہنگائی بہت بڑی نعمت ہوتی ہے۔ فرض کریں آج سے پچیس سال پہلے زیادہ مہنگائی نہ ہونے کی وجہ سے آپ کے والد اکیلے کام کرتے تھے۔ پورے گھر کا بوجھ ان پر تھا۔ اب چیزیں مہنگی ہوگئیں، تو آپ کے چار پانچ بھائی سارا خاندان مل کر کام کرنے لگے۔ مہنگائی کی وجہ سے سوسائٹی فعال ہوتی ہے۔ لوگوں کو پتہ چل جاتا ہے کہ اگر کام نہیں کریں گے تو بھوکے مارے جائیں گے۔ وہ مہارت حاصل کرتے ہیں اور پورا خاندان کچھ نہ کچھ کما رہا ہوتا ہے۔ یوں یہ ایک نعمت ہوتی ہے جس سے خاندان ٹرانسفارم ہوتے ہیں۔

یہ بھی پڑھیں: پاکستان میں ڈیجیٹل اثاثے بنانے کی بے پناہ صلاحیت موجود ہے: بلال بن ثاقب

ماضی کے حالات کے بارے میں

انہوں نے مزید کہا کہ "آج سے پچیس چالیس سال پہلے لوگ کہتے تھے کہ یہاں کچھ نہیں تھا، اور اس کی ایک وجہ یہ تھی کہ کم لوگ کام کرتے تھے اور پورے خاندان کا بوجھ ایک شخص اٹھاتا تھا۔ اسی وجہ سے ترقی نہیں ہوتی تھی۔ مہنگائی بڑھی، تو زیادہ لوگوں نے کام کرنا شروع کیا اور مہارت حاصل کی۔ یورپ کا شمار پہلے دنیا کے ممالک میں ہونے کی ایک وجہ یہ ہے کہ وہ مہنگا ہے۔ اس مہنگائی کا مقابلہ کرنے کے لیے کسی کو کام کرنا پڑتا ہے۔ وہ لوگ وقت ضائع نہیں کرتے، انہیں پتہ ہوتا ہے کہ ایک گھنٹہ کام نہ کیا تو غربت کی جانب جا سکتے ہیں۔ مہنگائی سے سوسائٹی ترقی کرتی ہے۔" انکی یہ ویڈیو صحافی ملیحہ ہاشمی نے شیئر کی۔

ملیحہ ہاشمی کا تبصرہ

جاوید چوہدری فرماتے ہیں کہ مہنگائی بڑی نعمت ہے۔ مہنگائی ہو تو گھر کے سارے فرد ایکٹو ہو کر کام کرنے لگ جاتے ہیں۔

مہنگائی نہ ہو تو ایک فرد پر پورے گھر کا بوجھ ہو۔

یہ عمران خان دور میں مہنگائی کے خلاف پروگرام کرتے تھے

Good Heavens, WTF does that even mean? pic.twitter.com/EQczHyBtMl

— Maleeha Hashmey (@MaleehaHashmey) April 3, 2026