سپلائی کم مال مہنگا
ایل پی جی کی قیمت میں ریکارڈ اضافہ
کراچی (ڈیلی پاکستان آن لائن) ’’سپلائی کم مال مہنگا‘‘ کراچی میں ایل پی جی کی فی کلو قیمت نے تمام ریکارڈ توڑ دیئے۔
یہ بھی پڑھیں: فلوریڈا سے واپسی پر ایئرپورٹ اترتے ہی میری لینڈ کی امریکی خاتون کو گرفتار کرلیا گیا کیونکہ ۔ ۔ ۔
فی کلو قیمت 500 روپے تک پہنچی
تفصیلات کے مطابق کراچی میں ایل پی جی کی فی کلو قیمت 500 روپے کی ریکارڈ سطح تک پہنچ گئی۔ صارفین کا کہنا ہے کہ 1 کلو ایل پی جی سرکاری نرخ سے 200 روپے زائد میں فروخت ہو رہی ہے۔
یہ بھی پڑھیں: پاکستان سری لنکا ون ڈے سیریز کے لیے میچ آفیشلز کا اعلان
ڈسٹری بیوٹرز کی تشویش
’’جنگ‘‘ کے مطابق ایل پی جی ڈسٹری بیوٹرز کے چیئرمین عبدالہادی خان نے کہا ہے کہ سپلائی کم اور ڈسٹری بیوٹرز کو مال مہنگا مل رہا ہے۔ اوگرا امپورٹرز کی جانب سے زائد قیمت پر فروخت روکنے میں ناکام ہے۔
حالیہ حکومتی اقدامات
واضح رہے کہ گزشتہ روز وزیرِ اعظم شہباز شریف نے پیٹرول کی قیمت میں آئندہ 1 ماہ کے لیے 80 روپے فی لیٹر کمی کا اعلان کیا تھا۔
