پیپلز پارٹی کے بانی چیئرمین اور سابق وزیراعظم ذوالفقار علی بھٹو کی 47 ویں برسی آج منائی جا رہی ہے۔
ذوالفقار علی بھٹو کی 47 ویں برسی
کراچی (ڈیلی پاکستان آن لائن) پاکستان پیپلز پارٹی کے بانی چیئرمین اور سابق وزیراعظم ذوالفقار علی بھٹو کی 47 ویں برسی آج منائی جا رہی ہے۔
یہ بھی پڑھیں: وزیراعظم اور امیر قطر کے درمیان ٹیلیفونک رابطہ، شیخ تمیم بن حمد الثانی نے مشرق وسطیٰ میں قیام امن کے لیے پاکستان کی مخلصانہ کاوشوں کو سراہا
ذوالفقار علی بھٹو: ایک مقبول رہنما
پاکستان پیپلز پارٹی کے بانی چیئرمین اور سابق وزیراعظم ذوالفقار علی بھٹو ملکی اور عالمی سطح پر ایک مقبول لیڈر تھے۔
یہ بھی پڑھیں: وزیر اعلیٰ مریم نواز سے بیلا روس کے سفیر کی ملاقات، پنجاب میں الیکٹرک بس پراجیکٹ میں معاونت کی پیشکش
تعلیم اور کیریئر کا آغاز
وہ 5 جنوری 1928 کو لاڑکانہ میں پیدا ہوئے، کیلی فورنیا اور پھر آکسفورڈ سے قانون کی تعلیم حاصل کی۔
یہ بھی پڑھیں: شاہین آفریدی نے شاداب خان کو پیچھے چھوڑ دیا
سیاسی جدوجہد
1963 میں جنرل ایوب خان کی کابینہ میں وزیر خارجہ بنے۔ ترقی پسند دوستوں کے ساتھ مل کر 30 نومبر 1967 میں پیپلزپارٹی کی بنیاد رکھی جو اپنے نظریات کی بدولت ملک کی مقبول ترین جماعت بن گئی۔
یہ بھی پڑھیں: کلثوم نواز کی لاش کا مذاق اُڑانے والے عمران خان اور اُن کا خاندان مکافات عمل کا شکار ہے، انتقامی کارروائی کا نہیں، اختیار ولی خان
عہدے اور کارنامے
ذوالفقار علی بھٹو سویلین مارشل لاء ایڈمنسٹریٹر 1971 سے 1973 تک پاکستان کے صدر اور 1973 سے 1977 تک منتخب وزیر اعظم رہے۔
انہوں نے ایٹمی پروگرام کی بنیاد رکھی، متفقہ آئین دیا، اسلامی ممالک کو متحد کرنے کی کوشش کی۔
زندگی کا اختتام
ان کی منتخب حکومت کا تختہ الٹا گیا اور قتل کے الزام میں مقدمہ چلا کر 4 اپریل 1979 کو انہیں تختۂ دار پر لٹکا دیا گیا۔ مگر ذوالفقار علی بھٹو کے نظریات کی گونج آج بھی باقی ہے۔
