حکومت نے رواں مالی سال جولائی سے دسمبر تک کتنے سو ارب روپے سود کی مد میں ادا کیے ۔۔؟ اہم تفصیلات سامنے آ گئیں

حکومت کی سود کی ادائیگیاں

اسلام آباد (ڈیلی پاکستان آن لائن) حکومت نے رواں مالی سال جولائی سے دسمبر تک کتنے سو ارب روپے سود کی مد میں ادا کیے؟ اہم تفصیلات سامنے آ گئی ہیں۔

یہ بھی پڑھیں: Boris Johnson Reveals Biden’s Compliment on His Wife’s Beauty

ادائیگیوں کی تفصیلات

’’جیو نیوز‘‘ کے مطابق حکومت پاکستان نے رواں مالی سال جولائی سے دسمبر تک 5300 ارب روپے سے زائد رقم سود کی مد میں ادا کی۔

یہ بھی پڑھیں: راولپنڈی:چوہدری عدنان قتل کیس، سابق سینیٹر چوہدری تنویر کی ضمانت منظور

سرکاری دستاویزات کی روشنی میں

سرکاری دستاویزات کے مطابق جون 2025 تک ملک پر واجب الادا سود ادائیگیاں 8900 ارب روپے تھیں جبکہ دسمبر تک قرضوں پر واجب الادا سود ادائیگیاں 3600 ارب روپے رہ گئیں۔ رواں مالی سال قرضوں پر سود کی ادائیگی کے لیے 8207 ارب مختص کیے گئے تھے۔ پاکستان پر ملکی اور غیرملکی قرضوں کا حجم 81 ہزار 400 ارب روپے ہو چکا ہے۔

بجٹ کی مختص رقم

سرکاری اعداد و شمار میں بتایا گیا ہے کہ رواں سال قرضوں پر سود ادائیگی کے لیے مختص رقم بجٹ کا 46 اعشاریہ 7 فیصد ہے۔ پاکستان کا مجموعی قرض جی ڈی پی کے 70.7 فیصد تک پہنچ چکا ہے۔ کل قرض میں 26 ہزار ارب روپے بیرونی اور 55 ہزار ارب روپے مقامی قرض شامل ہیں۔ رواں سال کی بقیہ 2900 ارب روپے کی سود ادائیگیاں پاکستان کو جون تک کرنی ہیں۔