پاکستان ایتھلیٹ ثمر خان نے آرکٹک کے برف پوش علاقے میں 300 کلومیٹر طویل ڈاگ سلیج مہم کامیابی سے مکمل کرلی
ثمر خان کی شاندار کامیابی
لاہور (ڈیلی پاکستان آن لائن) پاکستان کی مہم جو ایتھلیٹ اور اسنو بورڈر ثمر خان نے آرکٹک کے برف پوش علاقے میں منعقد ہونے والی 300 کلومیٹر طویل ڈاگ سلیج مہم کامیابی سے مکمل کرلی اور اختتامی مقام تک پہنچ گئیں۔
یہ بھی پڑھیں: نفرت، تعصب اور تنگ نظری کو ہر محاذ پر شکست دینی ہے: مریم نواز
ذہنی اور جسمانی چیلنج
ثمر خان نے سوشل میڈیا پر اپنی کامیابی شیئر کرتے ہوئے کہا کہ یہ سفر صرف جسمانی آزمائش نہیں بلکہ ذہنی طور پر بھی انتہائی مشکل مرحلہ تھا، جس نے انہیں تھکن، شکوک اور اپنی حدود سے آگے بڑھنے پر مجبور کیا۔شدید سردی، ویران برفانی ماحول اور طویل سفر کے دوران خاموشی نے انہیں مشکلات کا سامنا کرنے اور خود پر یقین مضبوط کرنے کا موقع دیا۔ ان کے مطابق یہ تجربہ حوصلے، ہمت اور اعتماد کی حقیقی آزمائش ثابت ہوا۔
یہ بھی پڑھیں: سپریم کورٹ میں آئندہ ہفتے 968 مقدمات سماعت کیلئے مقرر
مشکلات اور ویزا کی کہانی
ثمر خان نے انکشاف کیا کہ سفر شروع ہونے سے پہلے بھی انہیں مشکلات کا سامنا رہا، خاص طور پر ویزا سے متعلق غیر یقینی صورتحال رہی اور روانگی سے صرف ایک دن قبل پاسپورٹ پر ویزا موصول ہوا۔ کامیابی کو ذاتی کارنامے کے ساتھ ساتھ پاکستان کے لیے اعزاز قرار دیتے ہوئے کہا کہ یہ لمحہ پورے ملک کے نام ہے۔ اس مہم کے منتظمین اور پاکستان میں سویڈن کے حکام کا بھی شکریہ ادا کیا جن کی معاونت سے ان کا سفر ممکن ہو سکا۔
یہ بھی پڑھیں: صدر مملکت کا عراق جاتے ہوئے دورانِ پرواز برادر اسلامی ملک ایران سے یکجہتی کا اظہار
نوجوانوں کے نام پیغام
اپنے پیغام کے اختتام پر ثمر خان نے نوجوانوں کو مخاطب کرتے ہوئے کہا کہ اگر کسی کو بتایا جائے کہ وہ اپنے خواب پورے نہیں کرسکتا تو اسے ہمت نہیں ہارنی چاہیے، کیونکہ حدود کو چیلنج کیا جا سکتا ہے۔
