پٹرولیم مصنوعات پر لیوی میں کمی کی کہانی خواجہ سعد رفیق منظرعام پر لے آئے

پٹرولیم مصنوعات کی قیمتوں میں کمی کا پس منظر

لاہور (ویب ڈیسک) لیگی رہنما خواجہ سعد رفیق نے پٹرولیم مصنوعات کی قیمتوں میں کمی کے پیچھے چھپی کہانی سامنے لائے ہیں۔ اپنے ایک بیان میں انہوں نے کہا کہ وفاقی حکومت نے پٹرول پر لیوی کم کر کے ایک دن میں پٹرول کی نئی قیمت 458 روپے سے 378 روپے فی لیٹر کر دی ہے۔ وفاقی حکومت نے پہلے مرحلے میں امریکہ ایران جنگ کے نتیجے میں بڑھنے والی قیمتوں کو سالانہ ترقیاتی پروگرام پر کٹ لگا کر 129 روپے کا بوجھ برداشت کیا۔

یہ بھی پڑھیں: شوہر نے دوسری شادی کی لیکن پھر لوٹ آئے؛ سینیئر اداکارہ نے ’صبر آزما‘ داستان سنادی

آئی ایم ایف کے ساتھ مذاکرات

انہوں نے بتایا کہ وزارت خزانہ نے اس دوران آئی ایم ایف کو پٹرولیم لیوی میں ریلیف پر قائل کرنے کی کوششیں جاری رکھی تھیں جو ابتدائی طور پر کامیاب نہ ہو سکیں۔ بلا آخر وزیر اعظم کی براہ راست مداخلت اور گہری دلچسپی کے باعث آئی ایم ایف ریونیو ٹارگٹ میں کمی پر آمادہ ہو گیا ہے۔ اسی وجہ سے پٹرول کی قیمت پر فی لیٹر 80 روپے لیوی میں کمی ممکن ہوئی ہے۔

یہ بھی پڑھیں: افریقی ملک چاڈ کا ٹرمپ کی پابندی پر دوٹوک جواب، امریکیوں کے ویزے روک دیے

صوبائی حکومتوں کی حمایت

صوبائی حکومتیں بھی ٹرانسپورٹرز کو کرایہ کم کرنے کے لیے ریلیف پیکیج فراہم کر رہی ہیں۔ عوام کو اس عذاب سے ممکنہ حد تک بچانے کے لیے تمام حکومتی کوششیں تحسین کی مستحق ہیں۔ تمام صوبائی حکومتیں اشیائے خور و نوش، ٹرانسپورٹ کرایوں اور روزمرہ اشیائے صرف کی قیمتوں کی نگرانی کریں اور تیل کی قیمت میں اضافے کی شرح سے زیادہ بڑھنے والے عناصر کو نشانِ عبرت بنائیں۔

کاشتکاری پر اثرات

انہوں نے مزید لکھا کہ ڈیزل کی موجودہ قیمت پر کاشتکاری تقریباً ناممکن ہو گئی ہے، حکومت کو ڈیزل کی قیمت میں توازن رکھنے کے لیے کوئی جگاڑ لگانا پڑے گا۔