خیبر پختونخوا حکومت نے بجلی کی بچت کے لیے اہم اقدامات کا اعلان کردیا

بجلی کی بچت کے لئے اقدامات

پشاور (ڈیلی پاکستان آن لائن) خیبر پختونخوا کی صوبائی حکومت نے بجلی کی بچت کے لیے اہم اقدامات کا اعلان کردیا۔

یہ بھی پڑھیں: آئی ٹی اور ای کامرس سروس سیکٹر کے وفد کا لاہور چیمبر آف کامرس کا دورہ

دکانوں اور مارکیٹوں کے اوقات

تفصیلات کے مطابق خیبر پختونخوا میں آج سے ڈویژنل ہیڈکوارٹرز میں مارکیٹیں رات 9 بجے اور اضلاع میں 8 بجے بند ہوں گی۔

یہ بھی پڑھیں: شکریہ فیلڈ مارشل سید عاصم منیر

ریسٹورنٹس اور ایونٹس کی پابندیاں

اعلامیے کے مطابق ریسٹورنٹس، کیفے اور ہوٹلز رات 10 بجے بند ہوں گے جبکہ ہوم ڈیلیوری اور ٹیک اوے کی اجازت ہوگی۔ شادی ہالز، مارکیز اور ایونٹس بھی رات 10 بجے تک محدود کر دیئے گئے۔

یہ بھی پڑھیں: بھارت جابرانہ ہتھکنڈوں سے کشمیریوں کی حقیقی امنگوں کو دبا نہیں سکتا: وزیر اعظم

استثنیٰ اور مزید معلومات

تندور، پیٹرول پمپ اور پبلک ٹرانسپورٹ کو مخصوص حد تک استثنیٰ حاصل ہوگا، صنعتی یونٹس اور فیکٹریاں کام جاری رکھ سکیں گی۔ پرائیویٹ دفاتر، بینکس، اکیڈمیز، شاپس، جم اور دیگر کمرشل سرگرمیاں بھی پابندی میں شامل ہیں جبکہ زرعی و تعمیراتی سرگرمیاں، ہسپتال، لیبارٹریز اور ایمرجنسی سروسز مستثنیٰ قرار دیئے گئے ہیں۔

یہ بھی پڑھیں: خیبر پختونخوا سے سینیٹ کی خالی جنرل نشست پر ضمنی انتخاب کا غیر سرکاری غیر حتمی نتیجہ آ گیا

میڈیکل سٹورز اور اضافی روشنی

’’جنگ‘‘ کے مطابق میڈیکل سٹورز 24 گھنٹے کھلے رہیں گے، صرف ادویات کی فروخت تک محدود ہوں گے، مارکیٹس میں اضافی روشنی محدود، صرف ضروری لائٹنگ کی اجازت ہوگی۔

یہ بھی پڑھیں: جاپان، 30 سال کی سروس کے بعد بس ڈرائیور ایک غلطی سے 84 ہزار ڈالر کی پینشن سے محروم ہوگیا۔

کاروباری اوقات کے بعد پابندیاں

کاروباری اوقات کے بعد اے سی، لفٹس اور ایسکلیٹرز کے استعمال پر پابندی ہوگی، غیرضروری کمرشل سرگرمیوں کےلیے جنریٹر کے استعمال پر بھی پابندی عائد ہوگی۔

عمل درآمد کی ذمہ داری

اعلامیے کے مطابق ڈپٹی کمشنرز (ڈی سیز) اقدامات پر عمل درآمد یقینی بنائیں گے، خلاف ورزی پر معائنہ، چیکنگ اور قانونی کارروائی عمل میں لائی جائے، نوٹیفکیشن کے فیصلوں کا اطلاق کل سے ہوگا۔