4 دن سے لاپتا ڈاکٹر کی لاش لاہور کے چلڈرن ہسپتال کی پارکنگ میں کھڑی گاڑی سے برآمد

لاہور میں ڈاکٹر کی لاش ملی

لاہور (ڈیلی پاکستان آن لائن) پاکستان کے صوبہ پنجاب کے دارالحکومت لاہور سے پانچ دن پہلے لاپتہ ہونے والے چلڈرن ہسپتال کے ڈاکٹر کی لاش ہسپتال کی پارکنگ سے مل گئی ہے۔

یہ بھی پڑھیں: فی تولہ سونا مزید کتنا مہنگا ہونے کا امکان ہے؟

لاش کی برآمدگی

چلڈرن ہسپتال کے بلڈ بینک کے انچارج ڈاکٹر احمد لطیف کی لاش اتوار کو ہسپتال میں کھڑی گاڑی سے برآمد ہوئی۔

یہ بھی پڑھیں: حیدرآباد میں ’’جے ایف تھنڈر 17‘‘ نام کا 40 من وزنی بیل توجہ کا مرکز بن گیا، خریدار بارات کی شکل میں پہنچے، کتنے میں فروخت ہوا؟ جانیے

خاندان کی اطلاع

اہلِ خانہ نے ہسپتال انتظامیہ کو ڈاکٹر احمد لطیف کے لاپتہ ہونے کی اطلاع دی تھی، جس کے بعد ہسپتال میں تلاش کے دوران ڈاکٹر احمد لطیف کی گاڑی وہاں کھڑی ملی جس میں وہ مردہ حالت میں پائے گئے۔ اس پر فوری طور پر پولیس کو اطلاع دی گئی۔

یہ بھی پڑھیں: پنجاب بھر کے سرکاری سکولوں میں سالانہ امتحانات کا آغاز ہو گیا

پولیس کی تحقیقات

پولیس نے شواہد اکٹھے کر کے تحقیقات شروع کر دی ہیں۔ جبکہ پولیس ذرائع کے مطابق ڈاکٹر احمد گزشتہ چند روز سے گھریلو مسائل کی وجہ سے ڈپریشن کا شکار تھے۔

یہ بھی پڑھیں: آج عمران خان سے ملاقات کا دن ہے، اڈیالہ جیل کے باہر تمام مارکیٹیں اور دکانیں بند کروا دی گئی ہیں اور کرفیو کا سا سماں بنا دیا گیا ہے، حافظ فرحت عباس

منشیات اور غیر جانچ

ذرائع کے مطابق 'لاش کے پاس سے منشیات بھی ملی ہیں، جبکہ پارکنگ میں کھڑی گاڑی کو چار روز سے کسی نے چیک ہی نہیں کیا۔'

پوسٹ مارٹم اور تحقیقات

ایس پی ماڈل ٹاؤن جہانداد اکرم کا کہنا تھا کہ لاش کو پوسٹ مارٹم کے لیے مردہ خانے منتقل کر دیا گیا ہے۔ اس واقعے کی وجوہات اور محرکات کا تعین مزید تحقیقات سے ہو گا۔