4 دن سے لاپتا ڈاکٹر کی لاش لاہور کے چلڈرن ہسپتال کی پارکنگ میں کھڑی گاڑی سے برآمد

لاہور میں ڈاکٹر کی لاش ملی

لاہور (ڈیلی پاکستان آن لائن) پاکستان کے صوبہ پنجاب کے دارالحکومت لاہور سے پانچ دن پہلے لاپتہ ہونے والے چلڈرن ہسپتال کے ڈاکٹر کی لاش ہسپتال کی پارکنگ سے مل گئی ہے۔

یہ بھی پڑھیں: عدالتی تاریخ میں اہم دن رقم، چیف جسٹس لاہور ہائیکورٹ نے ڈیجیٹل سسٹمز کا افتتاح کر دیا

لاش کی برآمدگی

چلڈرن ہسپتال کے بلڈ بینک کے انچارج ڈاکٹر احمد لطیف کی لاش اتوار کو ہسپتال میں کھڑی گاڑی سے برآمد ہوئی۔

یہ بھی پڑھیں: سپریم کورٹ نے عمران خان سے ملاقات کروانے کیلئے تحریری حکمنامہ جاری کرنے کی درخواست پر فیصلہ سنا دیا

خاندان کی اطلاع

اہلِ خانہ نے ہسپتال انتظامیہ کو ڈاکٹر احمد لطیف کے لاپتہ ہونے کی اطلاع دی تھی، جس کے بعد ہسپتال میں تلاش کے دوران ڈاکٹر احمد لطیف کی گاڑی وہاں کھڑی ملی جس میں وہ مردہ حالت میں پائے گئے۔ اس پر فوری طور پر پولیس کو اطلاع دی گئی۔

یہ بھی پڑھیں: یوٹیوب سے پیسے کمانے والوں کو بڑا دھمکا، 15 جولائی سے نئی پالیسی

پولیس کی تحقیقات

پولیس نے شواہد اکٹھے کر کے تحقیقات شروع کر دی ہیں۔ جبکہ پولیس ذرائع کے مطابق ڈاکٹر احمد گزشتہ چند روز سے گھریلو مسائل کی وجہ سے ڈپریشن کا شکار تھے۔

یہ بھی پڑھیں: پروٹوکول میں برطانیہ جانے کی کوشش کرنے والی برٹش خاتون سے منشیات برآمد

منشیات اور غیر جانچ

ذرائع کے مطابق 'لاش کے پاس سے منشیات بھی ملی ہیں، جبکہ پارکنگ میں کھڑی گاڑی کو چار روز سے کسی نے چیک ہی نہیں کیا۔'

پوسٹ مارٹم اور تحقیقات

ایس پی ماڈل ٹاؤن جہانداد اکرم کا کہنا تھا کہ لاش کو پوسٹ مارٹم کے لیے مردہ خانے منتقل کر دیا گیا ہے۔ اس واقعے کی وجوہات اور محرکات کا تعین مزید تحقیقات سے ہو گا۔