مراد سعید کی خالی نشست پر امیدوار کون ہو؟ پی ٹی آئی پارلیمانی بورڈ کے اجلاس کی اندرونی کہانی سامنے آ گئی

مراد سعید کی خالی نشست

اسلام آباد (خصوصی رپورٹ) مراد سعید کی خالی نشست پر امیدوار کون ہو؟ پی ٹی آئی پارلیمانی بورڈ کے اجلاس کی اندرونی کہانی سامنے آ گئی۔

یہ بھی پڑھیں: محکمہ داخلہ پنجاب کا مرکزی کمیٹی روم خالد شیر دل شہید کے نام منسوب

پی ٹی آئی کی مشاورت

تفصیلات کے مطابق پاکستان تحریک انصاف (پی ٹی آئی) نے مراد سعید کی سینیٹ کی خالی نشست پر پارٹی امیدوار کے ناموں پر مشاورت تیز کردی ہے۔

یہ بھی پڑھیں: پی ٹی آئی سوشل میڈیا ایکٹوسٹ حیدر سعید کی درخواست ضمانت بعدازگرفتاری پر سماعت 17 اپریل تک ملتوی

اجلاس کی تفصیلات

’’جنگ‘‘ نے ذرائع کے حوالے سے بتایا ہے کہ سینیٹ امیدوار کے لیے پی ٹی آئی کے پارلیمانی بورڈ کا اجلاس گزشتہ رات خیبر پختونخوا ہاؤس اسلام آباد میں ہوا تھا۔ پارلیمانی بورڈ کے اجلاس میں سینیٹر کے ناموں پر مشاورت کی گئی، بتایا گیا کہ اپوزیشن کی جانب اخوانزادہ حسین یوسفزئی کا نام سینیٹ امیدوار کے لیے بھیجوایا گیا ہے۔ اخوانزادہ حسین یوسفزئی کا نام محمود خان اچکزئی اور علامہ ناصر عباس نے پی ٹی آئی کے مرکزی رہنماؤں کو بھجوایا ہے۔

یہ بھی پڑھیں: اسلام آباد کے ریڈ زون میں اہم عمارتوں کے اطراف جنگلی جانور گھومنے کی ویڈیو وائرل

مزید امیدواروں کے نام

ذرائع کے مطابق پی ٹی آئی مرکزی قیادت کی سینیٹ کے لیے 2 مزید ناموں پر بھی مشاورت کی گئی، عرفان سلیم اور فیض الرحمان کا نام بھی سینیٹ امیدوار کے لیے زیر بحث آیا۔ پارلیمانی بورڈ کو رائے دی گئی کہ عرفان سلیم کا نام 9 مئی میں شامل ہے جبکہ فیض الرحمان نے بانی کے کیسز میں قانونی ٹیم کی معاونت کا وعدہ کیا ہے۔

یہ بھی پڑھیں: ملک پر قرضوں اور سود کا کتنا بوجھ ہے۔؟ وزارتِ خزانہ نے تفصیلات سینیٹ میں پیش کر دیں

اخوانزادہ حسین یوسفزئی کی تصدیق

دوسری جانب علامہ ناصر عباس نے اخوانزادہ حسین یوسفزئی کا نام تجویز کرنے کی تصدیق کی اور کہا کہ محمود اچکزئی اور اپوزیشن اتحاد نے یہ نام تجویز کیا ہے۔

سینیٹ الیکشن کی تاریخ

پی ٹی آئی کے دور حکومت کے وزیر مراد سعید کی خالی نشست پر سینیٹ الیکشن 23 اپریل کو ہوگا۔