گیس لائن دھماکے سے شہریوں کی ہلاکت کا معاملہ، عدالت نے ایس ایس جی سی کو غفلت کا مرتکب قرار دیدیا

عدالت کا فیصلہ

کراچی (ڈیلی پاکستان آن لائن) کراچی کی مقامی عدالت نے گیس لائن دھماکے سے شہریوں کی ہلاکت کے معاملے میں ایس ایس جی سی کو غفلت کا مرتکب قرار دیدیا اور 3 کروڑ روپے بطور ہرجانہ ادا کرنے کا حکم دیدیا۔

یہ بھی پڑھیں: عمران خان کے بچوں کی بات صرف مرچ مصالحہ لگانے کیلئے کی گئی، تحریک کامیاب ہونا ممکن نہیں: شیر افضل مروت

کیس کی تفصیلات

نجی ٹی وی چینل جیو نیوز کے مطابق، سینئر سول جج غربی سٹی کورٹ میں 2022 میں اورنگی ٹاؤن میں گیس لائن دھماکے سے شہریوں کی ہلاکت کے معاملے پر ایس ایس جی سی کے خلاف جان لیوا حادثات ایکٹ کے تحت ہرجانے کے دعویٰ کی سماعت ہوئی۔ وکیل درخواستگزار نے بتایا کہ اکتوبر 2022 میں گیس لیکج کی وجہ سے درخواست گزار کے گھر دھماکا ہوا تھا۔