پاکستان کی سعودی عرب پر میزائل و ڈرون حملوں کی شدید مذمت
پاکستان کا سعودی عرب پر حملوں کی مذمت
اسلام آباد(ڈیلی پاکستان آن لائن)پاکستان سعودی عرب پر میزائل اور ڈرون حملوں کی شدید مذمت کرتے ہوئے توانائی تنصیبات کو نشانہ بنانے پر تشویش کا اظہار کرتا ہے۔
یہ بھی پڑھیں: اگر یہی صورتحال رہی تو ہماری انڈسٹری اور زراعت کے شعبے مزید تباہی سے دوچار ہو جائیں گے، یہ کوئی جواز نہیں کہ خسارہ بجلی کے نرخ بڑھا کر پورا کریں۔
ترجمان دفتر خارجہ کا بیان
روزنامہ جنگ کے مطابق ترجمان دفتر خارجہ نے کہا ہے کہ پاکستان سعودی عرب پر میزائل اور ڈرون حملوں کی شدید مذمت کرتا ہے اور سعودی عرب کے مشرقی علاقے میں توانائی تنصیبات کو نشانہ بنانے پر تشویش کا اظہار کرتا ہے۔
یہ بھی پڑھیں: شیخ دین محمد ویلفیئر ٹرسٹ نے سکائی الیکٹرک کے خلاف مقدمہ دائر کر دیا
جانوں کا ضیاع اور تعزیت
ترجمان دفتر خارجہ کے مطابق سعودی عرب میں ہوئے حملوں میں قیمتی جانوں کے ضیاع پر افسوس اور متاثرہ خاندانوں سے تعزیت پیش کی جاتی ہے۔
انہوں نے مزید کہا کہ اہم تنصیبات کو پہنچنے والے نقصان کی شدید مذمت کرتے ہیں، یہ حملے سعودی عرب کی خودمختاری اور علاقائی سالمیت کی سنگین خلاف ورزی ہیں۔
یہ بھی پڑھیں: 15 سال کی تھی جب ٹرمپ نے زیادتی کی کوشش کی، نئی ایپسٹین فائلز میں امریکی صدر پر خاتون سے زیادتی کا الزام
خطے کے امن پر اثرات
ترجمان دفتر خارجہ کا کہنا تھا کہ اس صورتحال سے خطے کے امن و استحکام میں کشیدگی میں اضافہ ہوگا۔ پاکستان سعودی حکومت اور عوام کے ساتھ مکمل یکجہتی کا اظہار کرتا ہے۔
سعودی عرب کی سلامتی کی حمایت
انہوں نے کہا کہ سعودی عرب کی سلامتی کے لئے پاکستان اپنی غیر متزلزل حمایت کا اعادہ کرتا ہے۔
