وزیراعلیٰ مریم نواز سے چین کے معروف کاروباری ادارے کے وفد کی ملاقات، لاہور میں سولر پینل مینوفیکچرنگ شروع کرنے پر اتفاق

وزیراعلیٰ مریم نواز کی چین کے کاروباری وفد سے ملاقات

لاہور (ڈیلی پاکستان آن لائن) وزیراعلیٰ پنجاب مریم نواز سے چین کے معروف کاروباری ادارے کنلون گروپ اور سندر گرین گروپ کے وفد نے ملاقات کی۔

یہ بھی پڑھیں: علاقائی امن، استحکام اور خوشحالی کے مشترکہ اہداف کو آگے بڑھانے کے خواہاں ہیں: وزیراعظم کی نو منتخب نیپالی ہم منصب کو عہدہ سنبھالنے پر مبارکباد

سولر پینل مینوفیکچرنگ کی شروعات

سندرگرین گروپ اور کنلون گروپ کے اشتراک سے لاہور میں سولر پینل مینوفیکچرنگ شروع کرنے پر اتفاق کیا گیا۔ اس کے علاوہ، کنلون گروپ سے 50 ہزار طلباء کو چین میں ایڈوانس ووکیشنل اینڈ انڈسٹریل ٹریننگ کرانے پر بھی بات چیت ہوئی۔

یہ بھی پڑھیں: مولانا فضل الرحمان نے جے یو آئی (ف) کے ارکان قومی اسمبلی کے لیے ’’ہدایت نامہ‘‘ جاری کردیا

انڈسٹریل سٹیٹ پراجیکٹ کی منظوری

لاہور میں باہمی اشتراک کار سے ہزار ایکڑ پر انڈسٹریل سٹیٹ پراجیکٹ کی اصولی منظوری دی گئی۔ پنجاب میں کوئلہ سے پیٹروکیمیکل مصنوعات حاصل کرنے کی ٹیکنالوجی منتقل کرنے کا جائزہ بھی لیا گیا۔

یہ بھی پڑھیں: مشرق وسطیٰ کی جنگ کے اثرات پاکستان پر بھی پڑ رہے ہیں، مشکل معاشی حالات میں تمام سیاسی قوتوں کو اختلافات بالائے طاق رکھ کر کام کرنا ہوگا،بلاول بھٹو

وزیراعلیٰ کی سرمایہ کاروں کے لئے یقین دہانی

وزیراعلیٰ مریم نواز نے چینی اور مقامی سرمایہ کاروں کو انڈسٹریلائزیشن کے لئے بھرپور معاونت کی یقین دہانی کرائی۔ بریفنگ میں بتایا گیا کہ نئے پراجیکٹ سے پنجاب میں 18 ہزار روزگار کے مواقع پیدا ہوسکتے ہیں۔

یہ بھی پڑھیں: ہمارے لیے سب سے پہلے پاکستان ہے، اگر عمران خان کے بیٹے ملک کے خلاف بات کریں گے تو ہم سپورٹ نہیں کریں گے، بیرسٹر گوہر

صوبہ پنجاب میں سرمایہ کاری کے مواقع

وزیراعلیٰ مریم نواز نے کہا کہ انڈسٹریلائزیشن کے فروغ کے لئے "سٹارٹ ٹو ڈے" پالیسی پر عمل پیرا ہیں۔ انہوں نے کہا کہ حکومت کو بزنس نہیں بلکہ بزنس مین کو سپورٹ کرنا چاہیے۔ دو سال میں اصلاحات لانے پر توجہ دی گئی ہے، اب پنجاب سرمایہ کاری کے لئے موزوں ترین صوبہ ہے۔

یہ بھی پڑھیں: وزیراعلیٰ مریم نواز کا چکوال کے بارش سے متاثرہ علاقوں کا معائنہ، امداد کا اعلان، سول ڈیفنس فورس کو دوبارہ فعال کرنے کا حکم

چین اور پاکستان کے تعلقات

پاکستان سولر کی بہت بڑی مارکیٹ ہے، اور انرجی بحران کی وجہ سے سولر منتقلی کا رجحان بڑھ رہا ہے۔ مریم نواز نے کہا کہ چین اور پاکستان دوستی کے اٹوٹ رشتے میں بندھے ہیں، اور چین پسندیدہ ملک ہے۔ پہلے بھی انہوں نے چین کا سرکاری دورہ کیا۔

چینی وفد کے اراکین

چین کے معروف ادارے انر منگولیا کول مائن کے سی ای او وانگ جین ہنان شنگ، انویسٹمنٹ کمپنی کے سی ای او ژاؤ گانگ بوبھی وفد میں شامل تھے۔ اس ملاقات میں سندر گرین گروپ کے چیئرمین محمد عابد، سی ای او عظیم افتخار، ڈائریکٹر رانا فیصل حیات، اور اوسس کے سی ای او دانش احمد بھی موجود تھے۔