آوارہ کتوں کے لوگوں پر حملوں کے خلاف جماعت اسلامی نے بالآخر 10 اپریل سے لاہور میں احتجاج کی کال دے دی

جماعت اسلامی کا احتجاجی مہم کا اعلان

لاہور(ڈیلی پاکستان آن لائن) شہر میں آوارہ کتوں کے بڑھتے ہوئے حملوں اور پنجاب حکومت کی مبینہ بے حسی کے خلاف جماعت اسلامی نے 10 اپریل سے احتجاجی مہم شروع کرنے کا اعلان کر دیا ہے۔

یہ بھی پڑھیں: عالمی رہنماؤں کو ماحولیاتی تبدیلی سے متعلق اپنی حکمتِ عملی میں تبدیلی لانے کی ضرورت ہے، بل گیٹس

آوارہ کتوں کے خطرات

لاہور میں ماضی قریب میں آوارہ کتوں کے کاٹنے کے کئی لرزہ خیز واقعات سامنے آئے ہیں، جن میں معصوم بچوں اور بزرگوں کو نشانہ بنایا گیا۔ ان واقعات میں نہ صرف متعدد شہری شدید زخمی ہوئے بلکہ کئی قیمتی جانیں بھی ضائع ہو چکی ہیں، جس نے شہریوں میں شدید خوف و ہراس پھیلا دیا ہے۔

یہ بھی پڑھیں: بلوچستان کے عوام کو نقصان پہنچانے کے لیے دشمن کا منظم حملہ سیکیورٹی فورسز نے ناکام بنادیا، پاکستان جرنلسٹس فورم جدہ

پنجاب حکومت کی بے حسی

صدر پبلک ایڈ کمیٹی جماعت اسلامی لاہور قیصر شریف گزشتہ دس ماہ سے آوارہ کتوں کے حملوں کے خلاف آواز اٹھا رہے ہیں اور مسلسل پنجاب حکومت سے مطالبہ کررہے ہیں کہ آوارہ کتوں کے خلاف کریک ڈاون کیا جائے تاہم ابھی تک حکومت کی جانب سے کوئی ٹھوس کارروائی نہیں کی گئی۔ قیصر شریف نے کہا ہے کہ آوارہ کتوں نے عوام کی زندگی اجیرن بنا دی ہے اور پنجاب حکومت ان کے سامنے مکمل طور پر بے بس نظر آتی ہے。

احتجاجی سرگرمیاں

جماعت اسلامی 10 اپریل سے لاہور کے مختلف مقامات پر بھرپور احتجاج ریکارڈ کروائے گی۔ احتجاج کا مقصد حکومت کو خوابِ خرگوش سے جگانا اور شہریوں کے تحفظ کے لیے عملی اقدامات کروانا ہے۔ قیصر شریف کا کہنا ہے کہ جب تک آوارہ کتوں کی تلفی اور شہریوں کی حفاظت کے لیے ٹھوس پالیسی نہیں بنائی جاتی، احتجاج کا سلسلہ جاری رہے گا۔